२०४८ सालपछिका सबै भ्रष्टाचार छानबिन गर्न तयार छुः प्रधानमन्त्री

४ जेष्ठ, काठमाडौं । प्रधानमन्त्री पुष्पकमल दाहाल प्रचण्डले २०४८ साल यताका सबै भ्रष्टाचारको छानविन गर्न आफू तयार रहेको बताएका छन् । उनले आफूले पनि २०४६ पछि प्रजातान्त्र पुनःस्थापना भएपछिका सबै भ्रष्टाचारको छानविनको दायरामा ल्याउन सबैको सहयोग आश्वयक रहने बताएका छन् । प्रधानमन्त्रीले तत्कालीन माओवादी शिविरमा कुनै भ्रष्टाचार नभएको पनि दावी गरेका छन् । 

प्रतिनिधिसभाको बिहीबारको बैठकमा राप्रपाका सांसद ज्ञानबहादुर शाहीले सोधेको लडाकु शिविरमा भएको भ्रष्टाचारबारेको प्रश्नको जवाफ दिँदै प्रधानमन्त्रीले क्यान्टोनमेन्टको कुरा कपोल्कल्पित भएको र फेरि पनि छानबिन गरेर दोषी ठहरिए आफू जेल जान तयार रहेको बताए । 

उनले कुनै अनियमिमिता भएको र त्यसको छानबिनबाट दोषी ठहरिए जेल आफू जान तयार रहेको बताए । उनले यो विषय राजनीतिक पूर्वाग्रहका आधारमा उठाउने गरिएको उल्लेख गर्दै उनले २०४८ सालपछिका सबै भ्रष्टाचार छानबिन गर्न तयार रहेको बताए ।

प्रचण्डले लडाकुलाई दिएको पैसामा भ्रष्टाचार भयो भन्ने आरोप मात्र भएको बताए । ’पूर्व माओवादी लडाकुलाई वितरण गरिएकै पैसामा भ्रष्टाचार भयो भन्ने आरोप मात्र हो । क्यान्टोनमेन्टको भौतिक पूर्वाधारको जिम्मा कसले लिए त्यसको रेकर्ड छ । त्यतिबेलाका प्रधानमन्त्री गिरिजाप्रसाद कोइराला र अर्थमन्त्री डा. रामशरण महतले रुजु गरेपछि यो विषय पटाक्षेप भएको हो ।’ 

प्रधानमन्त्री प्रचण्डले यो राजनीतिक पूर्वाग्रहका हिसाबले अहिले उठाइएको भएको भन्दै पटक–पटक यो विषय राजनीतिक आग्रहको आधारमा उठाइएको बताए । त्यस्तो केही छ भने २०४८ सालदेखिको सबै भ्रष्टाचारका मुद्दामा छानबिन गर्न तयार छु भन्दै राजनीतिक तहमा संकल्प गरेर जाँदा छानबिन गर्न सकिने बताए ।