प्रतिनिधिसभाको अर्को बैठक सोमबार साँझ ६ बजे

१४ जेठ, काठमाडौं । प्रतिनिधिसभाको अर्को बैठक भोलि सोमबार ६ बजे बस्ने भएको छ । आइतबार बसेको बैठकमा अर्थमन्त्री प्रकाशशरण महतले ‘आर्थिक सर्वेक्षण २०८०’ र ‘सार्वजनिक संस्थानको वार्षिक प्रतिवेदन २०७९/८०’ संसदमा पेस गरेका थिए । 

पेस भएसँगै सभामुख देवराज घिमिरेले अर्को बैठक जेठ १५ गते बेलुका ६ बजे बस्ने गरी स्थगित भएको जानकारी दिए । भोलिको बैठकमा सरकारको तर्फबाट आगामी आर्थिक वर्ष २०८०/८१ को बजेट घोषणा गर्ने कार्यक्रम छ । हरेक वर्ष जेठ १५ मा सरकारले आगाममी वर्षका लागि आफ्नो बजेट घोषणा गर्नुपर्ने संवैधानिक व्यवस्था छ ।

यसअघि आजै प्रतिनिधिसभा र राष्ट्रियसभाको संयुक्त बैठक पनि बसेको थियो । बैठकले ‘संघीय संसदको संयुक्त बैठक र संयुक्त समिति (कार्यसंचालन) नियमावली २०८०’ पारित गरेको थियो ।