नागरिकता विधेयक प्रमाकणीकरणबिरुद्ध राष्ट्रपति कार्यालय अगाडि प्रदर्शन, आठ प्रदर्शनकारी पक्राउ

१७ जेठ, काठमाडौं । नागरिकता प्रमाणीकरण गरेको विरोधमा राष्ट्रपति कार्यालय अगाडि प्रदर्शन भएको छ । प्रहरीले प्रदर्शनमा उत्रिएका आठ जनालाई पक्राउ गरेको छ । राष्ट्रपति रामचन्द्र पौडेलले नागरिकता विधेयक प्रमाणीकरण गरेको विरोधमा शीतलनिवास अगाडि उनीहरूले प्रदर्शन गरेका हुन् । 

उनीहरूले नागरिकता विधेयकको विरोधमा नाराबाजी गरेका थिए । कसको आयोजनामा विरोध प्रदर्शन गरिएको भन्ने कुरा खुलेको छैन । राष्ट्रपति पौडेलले नागरिकता विधेयक प्रमाणीकरण गरेपछि नेकपा एमाले, राप्रपा राष्ट्रिय स्वतन्त्र पार्टी लगायतका केही नेताले प्रक्रिया नपुगेको भन्दै असन्तुष्टि व्यक्त गरेका छन् ।