शरणार्थी प्रकरणमा बालकृष्ण खाण र टेकनाथ रिजालको बयान जारी

१९ जेठ, काठमाडौं । नेपाली नागरिकलाई भुटानी शरणार्थी बनाएर अमेरिका पठाउने भन्दै असुली गरेको गिरोहलाई सहयोग गरेको आरोपमा पक्राउ परेका परी राज्यविरुद्धको अपराधसहित ४ कसुर मुद्दामा जिल्ला अदालत, काठमाडौंमा पूर्वगृहमन्त्री एवं कांग्रेस नेता बालकृष्ण खाँणको बयान जारी छ ।

न्यायाधीश प्रेमप्रसाद न्यौपानेको इजलासमा कर्मचारीले न्यायाधीशसामू बयान लिइरहेका छन् । अभियुक्त हरिकृष्ण महर्जनको पनि बयान हुने क्रममा छन ।

प्रकरणमा १८ जना पक्राउ परेका छन् । अन्य १२ जना फरार छन् । जिल्ला सरकारी वकिलको कार्यालय, काठमाडौंले ३० जनालाई प्रतिवादी बनाएर राष्ट्रहित प्रतिकूल हुने कसूर, ठगी, संगठित ठगी अपराध र सरकारी लिखत कीर्तेमा मुद्दा दायर गरेको थियो । पक्राउ परेकामध्ये १५ जनाको बयान सकिइसकेको छ ।

पक्राउ परेका अन्य १५ जनाको बयान भइसकेको छ । आइतबारदेखि थुनछेक बहस सुरु हुने अनुमान गरिएको छ । बहसपछि आरोपीलाई पुर्पक्षका लागि थुनामा पठाउने, धरौटीमा छाड्ने वा साधारण तारेखमा छाड्नेमध्ये एक आदेश हुनेछ ।

उनीहरुविरुद्ध २८ करोड रुपैयाँभन्दा बढी बिगोदाबी र जरिवाना तथा कैदसजायको माग मुद्दामा गरिएको छ ।