नागरिकता विधेयक प्रमाणीकरणविरुद्धको रिट न्यायाधीश शर्माको एकल इजलासमा

२१ जेठ, काठमाडौं । राष्ट्रपतिबाट यही जेठ १७ मा भएको नागरिकता विधेयक प्रमाणीकरण खारेजीको माग गर्दै शुक्रबार सर्वोच्च अदालतमा दर्ता भएको रिट निवेदनको सुनुवाइ न्यायाधीश मनोजकुमार शर्माको एकल इजलासमा हुने भएको छ । सुनुवाइका लागि आइतबार न्यायाधीश शर्माको इजलासमा पेसी परेको छ ।

प्रमाणिकरणका लागि भएको सरकारको सिफारिस र प्रमाणिकरण प्रक्रिया संविधानविपरीत रहेको भन्दै खारेजीका लागि वरिष्ठ अधिवक्ताहरु बालकृष्ण न्यौपाने, सुरेन्द्र भण्डारीलगायतले रिट दायर गराएका थिए । 

रिट निवेदकहरूले राष्ट्रपतिबाट अघिल्लो संसदबाट पारित भएको विधेयक अहिले प्रमाणीकरण गर्नु असंवैधानिक रहेको दाबी गरेका छन् ।