प्रतिपक्षीको विरोधका कारण राष्ट्रियसभा बैठक स्थगित

२१ जेठ, काठमाडौं । आइतबारको राष्ट्रियसभा बैठक पनि स्थगित भएको छ । आइतबार बैठक सुरु हुने बित्तिकै एमालेका सांसदहरुले राष्ट्रपति रामचन्द्र पौडेलबाट हालै भएको नागरिकता विधेयक प्रमाणीकरण, भारत भ्रमणका क्रममा प्रधानमन्त्री प्रचण्डले दिएका अभिव्यक्ति लगायत विषयलाई लिएर प्रतिपक्षी दल एमलको अवरोधपछि २९ मिनेटका लागि बैठक स्थगित गरिएको हो । 

एमालेसहितका प्रतिपक्षी दलका सांसदहरुको अवरोधपछिसभा अध्यक्ष गणेशप्रसाद तिमिल्सिनाले आइतबार नै बस्ने गरी २९ मिनेटका लागि बैठक स्थगित भएको जानकारी दिएका छन् ।

यही विषयलाई लिएर प्रमुख प्रतिपक्षी एमाले तथा अन्य प्रतिपक्षी राप्रपा, रास्वपाका सांसदहरुले कुर्सीबाट उठेर विरोध जनाउँदै राष्ट्रपति र प्रधानमन्त्री प्रचण्डविरुद्ध नाराबाजी गरेर बैठक चलाउन बाधा पुर्याएपछि सभामुख देवराज घिमिरेले एक् घण्टाका लागि बैठक स्थगित गरेका छन् । 

अहिले घिमिरेले बैठक सुचारु गर्नेबारे सर्वदलीय बैठक राखेर छलफल चलाइरहेका छन् । विरोधी दलहरुले भने नागरिकता विधेयक प्रमाणिकरणका लागि सरकारले गरेको सिफारिस, राष्ट्रपतिबाट प्रमाणिकरण भएकाा विधेयकलाई छलफलका लागि संसदमा ल्याउनुपर्ने, भारत भ्रमणका क्रममा प्रधानमन्त्री प्रचण्डले देशको हितविरुद्ध हुने गरी दिएका अभिव्यक्तिबारे संसद बैठकमा जानकारी दिनुपर्ने र संसदमा माफी माग्नुपर्ने अडान राखेका छन् । यही माग राष्ट्रियसभामा पनि उठाइएको छ ।