स्वीडेनले सेक्स च्याम्पियनसिप प्रतियोगिताको आयोजना गर्ने

 

२१ जेठ, एजेन्सी । युरोपेली मुलुक स्वीडेनले सम्भवत संसारकै पहिलो पटक फरक किसिमको खेल प्रतियोगिताको आयोजना गर्ने भएको छ । समाचार एजेन्सीका अनुसार स्वीडेनले सेक्स च्याम्पियनसिप प्रतियोगिताको आयोजना गर्ने भएकाे हाे । 

संसारमा असंख्य प्रकारका खेल छन् जो सार्वजनिक रुपमा तन्दरुस्ती र मनोरञ्जनका लागि खेलिन्छन् । यही सूचिमा एउटा नयाँ खेल पनि थपिएको छ । युरोपेली मुलुक स्विडेनले यौन सम्पर्कलाई पनि खेलको सूचिमा समावेश गरेको छ ।

तपाईलाई यो समाचार सुन्दा र पढ्दा पत्याउनै मुस्किल पर्छ होला तर यो सत्य हो । मानिसको गोप्य शारीरिक सम्बन्धको कुरा पनि कसरी खेल बन्न सक्छ ? तर स्विडेनमा सेक्सले केबल खेलको मान्यता मात्र पाएको छैन त्यहाँ स्विडिस सेक्स खेल महासंघ नै गठन भएको छ । समाचार एजेन्सीका अनुसार ८ जून अघि नै युरोपियन सेक्स च्याम्पियनसीप प्रतियोगिताको पनि आयोजना गर्ने बताइएकाे छ ।

यो प्रतियोगितामा दैनिक ६ घण्टा प्रतिस्पर्धा हुने ‘स्विडिस सेक्स खेल महासंघ’ले जनाएको छ । यो प्रतियोगिता केही हप्तासम्मै संचालन हुने पनि बताइएको छ । एजेन्सीहरुका अनुसार प्रतिस्पर्धीहरुले आफ्ना खेल खेल्न वा क्रियाकलापका लागि ४५ मिनेटदेखि १ घण्टासम्मको समय उपलब्ध गराइने जनाइएको छ ।

प्रतियोगितामा तीनजना निर्णायकका साथै दर्शकहरुको भोटको आधारमा विजेता छनोट गरिने जनाइएको छ । अहिलेसम्म यो प्रतियोगिताका लागि युरोपका विभिन्न २० देशबाट मानिसहरुले आवेदन दिइएको बताइएको छ । 

सेक्सलाई मान्यता दिनु अत्यावश्यक रहेकै कारण यसलाई खेलको मान्यता दिइएको स्विडिस फेडेरेसन अफ सेक्सका अध्यक्ष ड्रागन ब्रेटिकले प्रतिक्रिया दिएका छन् ।