मुर्रा भैंसी ल्याउने कुरा ७ वर्ष अगाडिकै रहेछ : प्रधानमन्त्री प्रचण्ड

२१ जेठ, काठमाडौं ।  प्रधानमन्त्री पुष्पकमल दाहाल ‘प्रचण्ड’ले भारतबाट मुर्रा जातको भैंसी ल्याउने विषय ७ वर्ष अगाडिकै रहेको बताएका छन् । 

आफ्नो ४ दिने भारतको औपचारिक भ्रमणका क्रममा १५ वटा मुर्रा जातको राँगा ल्याउने सम्झौता गरेपछि देशभित्र दल र नागरिक तहबाट आलोचना भएपछि सोमबार प्रतिनिधिसभा बैठकमा जवाफ दिँदै प्रधानमन्त्रीले यस्तो बताएका हुन् । 

‘भारतबाट मुर्रा जातको राँगा ल्याउन कुरा २०७३ सालमै भएको कुरा रहेछ, लामो समयदेखि रोकिरहेको हुँदा योपटक मेरो भ्रमणका क्रममा ल्याउने भनेर हस्ताक्षर भएको हो’ प्रधानमन्त्रीले भने । ‘तर मलाई यहाँ चाहिं भैंसी चढेर आए भने’ प्रचण्डले रोष्टङमबाट भने ।

जेठ १७ देखि २० गतेसम्म भएको भारत भ्रमणका क्रममा जेठ १८ गते भारतको नयाँदिल्लीस्थित हैदरावादमा सकक्षी नरेन्द्र मोदीको उपस्थितिमा विभागीय मन्त्रीबीच सम्झौता भएको थियो । सम्झौतापछि भ्रमणका क्रममा समकक्षीसँग सीमासम्बन्धी समस्या समाधानबारे कुरा नराखेको भन्दै आलोचना भइरहेको छ ।