कोशी प्रदेशमा एमाले सरकार अल्पमतमा, राप्रपाको समर्थनविना सरकार बनाउन गठबन्धनलाई पनि असहज
नेपालबहस संवाददाता
जेठ २३, २०८० मंगलबार १६:३०:३५
२३ जेठ, विराटनगर । कोसी प्रदेशमा माओवादी केन्द्रले सरकारलाई दिएको समर्थन फिर्ता लिएपछि एमाले नेतृत्वको सरका अल्पमतमा परेको छ । मुख्यमन्त्री हिक्मत कार्की नेतृत्वको सरकारबाट माओवादीका दुई मन्त्रीले राजीनामा दिएका छन् । आज मंगलबार बिहान बसेको माओवादी केन्द्र कोसी प्रदेश पदाधिकारी बैठकको निर्णयअनुसार माओवादी संसदीय दलले सरकारलाई दिएको समर्थन फिर्ता लिएको हो ।
पार्टीले कोशी प्रदेश सरकारलाई दिएको समर्थन फिर्ता लिने निर्णय गरेसँगै नेकपा माओवादी केन्द्रका २ जना मन्त्रीले राजीनामा दिएका छन् । माओवादी केन्द्रबाट भौतिक पूर्वाधार मन्त्री दुर्गा चापागाईं र पर्यटन वन तथा वातावरण मन्त्री जीवन आचार्यले मुख्यमन्त्री हिक्मत कार्कीलाई राजीनामा बुझाएका हुन् ।
संसदीय दलबाट निर्णय भएपछि सरकारमा रहेका आफ्नो पार्टीका दुई मन्त्रीले पनि मंगलबारै राजीनामा दिइसकेका र संसद् सचिवालयलाई पनि जानकारी गराइसकेको माओवादी केन्द्र संसदीय दलका नेता इन्द्रबहादुर आङ्बोले बताए । माओवादीले समर्थन फिर्ता लिएपछि मुख्यमन्त्री हिक्मत कार्कीको सरकार अल्पमतमा परेको छ । अब गठबन्धनले पनि सरकार बनाउन सक्ने अवस्था छैन् ।
अब मुख्यमन्त्रीले ३० दिनभित्र पुनः प्रदेश सभाबाट विश्वासको मत लिनुपर्नेछ । उनलाई एमालेका ४० र राप्रपाका ६ जना गरी जम्मा ४६ सांसदको मात्र समर्थन छ । ९३ सांसद रहेका कोसी प्रदेश सभामा बहुमतका लागि ४७ सांसद चाहिन्छ । जनता समाजवादीले एक हप्ताअघि नै सरकारबाट समर्थन फिर्ता लिइसकेको छ । कांग्रेस र एकीकृत समाजवादी पहिलेदेखि नै प्रतिपक्षमा छन् ।
सभामुखसहित कुल ९३ सांसद रहेको प्रदेश सभामा एमालेका ४०, कांग्रेसका २९, माओवादी केन्द्रका १३, राप्रपाका ६, एकीकृत समाजवादीका चार र जनता समाजवादीका एक सांसद छन् । सरकार अल्पमतमा परेपछि कोसी प्रदेशमा आगामी वर्षका लागि प्रस्तुत हुने नीति तथा कार्यक्रम पनि प्रभावित बन्ने भएको छ । सरकारले २४ जेठमा नीति तथा कार्यक्रम प्रस्तुत गर्ने योजना बनाएको थियो ।
मुख्यमन्त्री हिक्मत कार्की नेतृत्वको अल्पमतको सरकारले आगामी वर्षका लागि बजेट पनि अध्यादेशबाट ल्याउन सक्ने सम्भावना बढेको छ । नयाँ सरकार बनाउन अहिलेको सत्ता गठबन्धनसँग पनि संख्या पुग्दैन । जताबाट सरकार बनाउन प्रयास भएपनि राप्रपाको समर्थन अनिवार्य छ । अहिले नेपाली कांग्रेसले सरकार बनाउन खोजिरहेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपदेउवा–रवी गोप्य भेटघाटः टिओआर खुकुलो बनाउने प्रस्तावप्रति ठाडै अस्वीकार
जेठ ७, २०८१ सोमबार
राष्ट्रपति पौडेलद्वारा इरानका राष्ट्रपति रायसीको निधनप्रति दुख व्यक्त
जेठ ७, २०८१ सोमबार
संसदीय इतिहासमा कलंकित दिन, २०८१ साल जेठ ७ गते
जेठ ७, २०८१ सोमबार
देउवा–रवी गोप्य भेटघाटः टिओआर खुकुलो बनाउने प्रस्तावप्रति ठाडै अस्वीकार
जेठ ७, २०८१ सोमबार
देउवा–रवी गोप्य भेटघाटः टिओआर खुकुलो बनाउने प्रस्तावप्रति ठाडै अस्वीकार
जेठ ७, २०८१ सोमबार
पशुपतिनाथको भेटी चोर्ने आठ जना पक्राउ
जेठ ७, २०८१ सोमबार
१० महिनामा दश हजार पर्यटक रारा पुगे
जेठ ७, २०८१ सोमबार
मौद्रिक नीति परिवर्तनमा कर्णालीको भूमिका महत्वपूर्ण : गभर्नर अधिकारी
जेठ ७, २०८१ सोमबार
१ सय सात किलो गाँजासहित कार चालक पक्राउ
जेठ ७, २०८१ सोमबार
धनगढीमा संघीय हिन्दू गणतन्त्रबारे छलफल
जेठ ७, २०८१ सोमबार