सांसद विकास कोष ब्यूँताउनु आपत्तिजनक  ः खिमलाल देवकोटा

२४ जेठ, काठमाडौं । राष्ट्रियसभा सदस्य (सांसद) खिमलाल देवकोटाले सरकारले बजेटमार्फत सांसद विकास कोष ब्यूँताएर गम्भीर त्रुटि गरेको बताएका छन् । 

सरकारले आगामी आर्थिक वर्ष २०८०/८१ को बजेटमाथि छलफलमा भाग लिँदै बुधबार राष्ट्रियसभाको बैठकमा सांसद देवकोटाले कोष ब्यूँताएर गलत गरेको बताए ।

‘काम नलागेको भनी मसानघाटमा पुर्याइसकेको कोष फिर्ता ल्याएर सांसदलाई भ्रष्टाचारको बाटोमा पुर्याउने काम गरेको छ’ उनले भने, ‘यसबाट सांसदलाई आफ्नो निर्वाचन क्षेत्रमा हरेक वर्ष ५ कारोड रुपैयाँमा विकास खर्च दिएर संविधानको मर्मविरोधी भएको छ, यो आपत्तिजक छ ।’

सांसदको काम विकास खर्च गर्दै हिँडने नभई विकास र समृद्धिका लागि ऐन कानून बनाउने रहेको भन्दै सांसदको तजबिजी चल्ने गरी बजेट बाँडिनु संघीयताको मर्मविपरीत भएको उनको भनाइ ।

उनले संघीय सरकारको बजेटले प्रदेश र स्थानीय तहलाई आफ्नो तजबिजीमा चल्न दिने योजना बोकेको बताए । बजेट कृषिमा भिजेको देखिएपनि कार्यान्वनको पाटोमा मौन रहेको बताए ।