सांसद विकास कोषको बजेट खर्च गर्न नचाहने सांसदको रकम पूँजीगत खर्चमा रकमान्तर गरिने
नेपालबहस संवाददाता
जेठ २९, २०८० सोमबार १४:३४:४९
२९ जेठ, काठमाडौं । सांसद विकास कोषको बजेट रकम लिन नचाहने सांसदको रकम पूँजीगत खर्चमा रकमान्तर गरिने भएको छ । यसअघि हटाइसकेको कोषलाई वर्तमान सरकारले पुनः ब्युँताएपछि सांसदहरुले विरोध गरेका छन् ।
सोमबार यसबारे प्रतिनिधिसभाको बैठकमा जवाफ दिँदै अर्थमन्त्री डा. प्रकाशशरण महतले प्रत्यक्ष निर्वाचित १६५ क्षेत्रका सांसदहरुलाई उनले आफ्नो निर्वाचन क्षेत्रभित्र चाहेको शीर्षक ५ वटा योजनामा खर्च गर्न पाउने गरी ५ करोड रुपैयाँका दरले रकम छुट्याइएको बताए । रकम लिएर खर्च गर्न नचाहने सांसदको रकम पूँजीगत खर्चमा रकमान्तर हुने मन्त्री महतले स्पष्ट पारे ।
कोषबाट रकम वितरण गर्दा सांसदले विकास भन्दा टुक्रे योजनामा बाँडेर कार्यकर्ता पाल्ने र भ्रष्टाचार गर्ने गरिएको भन्दै आलोचना भएपछि एमाले नेतृत्वको सरकारले खारेज गरेको थियो । तर सरकारले योपटक फिर्ता गरी बजेटबाटै रकम विनियोजन गरेको हो । मन्त्री महतले विनियोजित ५ करोड रकम सोझै सांसदको खल्तीमा जाने नभएको बताए ।
यही विषयमा काठमाडौं महानगरका मेयर बालेन साहले सांसद वडाध्यक्षको हैसियतमा झरेको तिखो टिप्पणी गरेका थिए । संसद बैठकमा बोल्ने कतिपय सांसदले सरकारले आफूहरुलाई ५ करोडको हैसियतमा झारिदिएको भन्दै उक्त रकम अस्वीकार्य हुने धारणा राखेका थिए । र, यसबारे मन्त्री महतको जवाफ माग गरेका थिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपबजेट अभावमा जनजाति सङ्ग्रहालय अधुरै
जेठ ३, २०८१ बिहिबार
फल्चा शैलीमा निर्माण गरिएको बस बिसौनी आजदेखि सञ्चालनमा
जेठ १, २०८१ मंगलबार
स्थानीयको एजेण्डा बन्यो पाथीभरामा केबलकार
बैशाख ३०, २०८१ आइतबार
अवनतिको बाटो फेर्न लागेको राजनीति र सुरक्षा चासो
सुबोधकुमार अधिकारी
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
नेपालबहस संवाददाता
जेठ ४, २०८१ शुक्रबार
डीआईजी बढुवाको छलाङले प्रहरीमा चरम नैराश्यता, विवादको घेरामा लामिछाने
जेठ ५, २०८१ शनिबार
शनिबार शनिदेवको प्रिय दिन, आज शनि महाराजले कसलाई लाभ-हानी दिन्छन् ?
जेठ ५, २०८१ शनिबार
ठमेलमा खाना तथा हस्तकला मेला
जेठ ५, २०८१ शनिबार
स्टार्टअपलाई १० वर्ष आयकर छुट, सहज ब्याजदरको कर्जा सुविधा
जेठ ५, २०८१ शनिबार
चोरीमा संलग्न रहेको अभियोगमा ६ जना पक्राउ
जेठ ५, २०८१ शनिबार
संसदीय छानबिन समितिको टीओआर बनाउन कानून मन्त्रीको संयोजकत्वमा कार्यदल गठन
जेठ ५, २०८१ शनिबार
बाँकेको जमुनाहा नाका आज रातिबाट बन्द हुँदै
जेठ ५, २०८१ शनिबार
उमेर नपुग्दै गर्भपतनले स्वास्थ्य समस्या बढ्दै
जेठ ५, २०८१ शनिबार