अवकाश पाउन चारदिन बाँकीरहेका बैकुण्ठ अर्याललाई सरकारको मुख्यसचिवमा नियुक्त

३२ जेठ, काठमाडौं । सरकारको मुख्यसचिवमा वैकुण्ठ अर्याललाई नियुक्त भएका छन् । बिहीबार बिहान बसेको मन्त्रिपरिषद बैठकले अर्याललाई मुख्यसचिवमा नियुक्त गरेको प्रधानमन्त्री पुष्पकमल दाहालको सचिवालयले जानकारी दिएको छ । 

३ महिनापछि अवकाश पाउन लागेका शंकरदास बैरागीलाई अन्य कुनै पदमा व्यवस्थापन गर्ने गरी सरकारले अर्याललाई मुख्य सचिव बनाएको हो । वैरागीलाई सुरक्षा सल्लाहकारमा लगिएको बताइएको छ । 

अर्याल यसअघि प्रधानमन्त्री तथा मन्त्रिपरिषदको कार्यालयमा सचिव थिए । बिहीबारको मन्त्रिपरिषदको बैठकमा अर्याल मुख्यसचिवका रूपमै बसेका थिए ।

हालका सचिवहरुमध्ये सबैभन्दा वरिष्ठ रहेका अर्याल हाल प्रधानमन्त्री तथा मन्त्रिपरिषद कार्यालयमा छन् । सचिवको रुपमा उनको पाँच वर्षे कार्यकाल आगामी असार तीन गते सकिँदै थियो ।