काठमाडौं–हेटौंडा चल्ने दुई राजमार्गमा पहिरो, १२ घण्टादेखि सवारी आवगमन बन्द

३२ जेठ, काठमाडौं । काठमाडौं–हेटौंडा चल्ने दुईवटा राजमार्गमा पहिरो खसेको छ । गएराति परेको अविरल वर्षाका कारण कान्ति लोकपथ र कुलेखानी–सिस्नेरी राजमार्ग १२ घण्टादेखि बन्द भएको छ । 

कान्तिपथअन्तर्र्गत ललितपुरको भट्टेडाँडामा गएराति साढे ११ बजेतिर पहिरोले कान्ति लोकपथ अवरुद्ध बनेको छ भने  मकवानपुरको इन्द्रसरोस्थित सिस्नेरीमा गएको पहिरोले कुलेखानी–सिस्नेरी राजमार्ग अवरुद्ध भएको छ । सडक अवरुद्ध हुँदा सयौं सवारी साधनहरु बाटोमै रोकिएका छन् । पहिरोका कारण केही सवारी साधनमा क्षति पुगेको छ ।

दुवै सडक(खण्डमा खसेको पहिरो पन्छाउने काम भइरहेको प्रहरी कार्यालय मकवानपुरका प्रहरी नायव उपरीक्षक टेकबहादुर कार्कीले बताए । कान्तिपथलाई पहिरोको उच्च जोखिममा रहेको राजमार्गको रुपमा लिइन्छ ।

कान्तिपथलाई पहिरोको उच्च जोखिममा रहेको राजमार्गको रुपमा लिइन्छ ।