फिलिपिन्समा शक्तिशाली भूकम्प, मैत्रीपूर्ण खेल खेल्न गएको नेपाली टोली सुरक्षित

३२ जेठ, काठमाडौं । मैत्रीपूर्ण खेल र साफ च्याम्पियनसिपका लागि नेपाली टोली यतिबेला फिलिपिन्समा छ । फिलिपिन्समा बिहीबार ६.३ म्याग्निच्युडको शक्तिशाली भूकम्प गएको छ । भूकम्पका कारण राजधानी मनिलासहित ग्रामिण क्षेत्रमा क्षति पुगेको अन्तराष्ट्रिय सञ्चार माध्यामहरुले जनाएका छन् । 

त्यहाँ रहेको नेपाली राष्ट्रिय टिम सुरक्षित रहेको अखिल नेपाल फुटबल संघ (एन्फा) ले जनाएको छ ।  भूकम्पमा नेपाली खेलाडी परेका छैनन् । 

नेपाली राष्ट्रिय फुटबल टिमले आज अपराह्न ४ः४५ बजे रियाज मेमेरोरियल रंगशालामा फिलिपिन्ससँग अन्तर्राष्ट्रिय मैत्रीपूर्ण फुटबल खेल्ने तालिका राखिएको थियो । अब खेल हुने नहुने केही बताइएको छैन् । 

रोयटर्सका अनुसार भूकम्पले कति क्षेति पर्याएको छ भन्ने एकिन विवरण आइसकेका छैनन् । राजधानी मनिलाभन्दा १० किलोमिटर टाढा समुद्र रहेको र नजिकैका प्रान्तहरूमा धक्का महसुस गरिएको गरिएको थियो । भूकम्पपछि कुनै ठूलो क्षतिको एकिन भइनसकेको समाचारमा जनाइएको छ ।  

साफ च्याम्पियनसिपको तयारी र मैत्रीपूर्ण खेलका लागि नेपाली टिम यही जेठ २९ गते फिलिपिन्स गएको थियो । फिलिपिन्समा एउटा मैत्रीपूर्ण खेलपछि नेपाली टिम भारतमा हुने च्याम्पियनसिपका लागि प्रस्थान गर्नेछ ।