त्रिभुवन विमानस्थलभित्र विद्युतीय सटल बस संचालन

१ असार, काठमाडौं । त्रिभुवन अन्तर्राष्ट्रिय विमानस्थलको गोल्डेन गेटबाट आन्तरिक टर्मिनलसम्म विद्युतीय सटल बस सञ्चालनमा आएको छ । यसअघि गोल्डेन गेटबाट टर्मिनलसम्म माइक्रोबस चलिरहेको थियो । सो गाडी हटाएर शुक्रबारदेखि २ वटा विद्युतीय सटल बस सञ्चालनमा ल्याइएको छ । उनका अनुसार यो सेवा निःशुल्क उपलब्ध हुनेछ ।

आन्तरिक उडानका जहाजबाट झरेका यात्रु गोल्डेन गेटसम्म आउन तथा अन्तर्राष्ट्रिय उडानबाट आएर आन्तरिक उडानका जहाज चढ्न जाने यात्रुलाई समेत यो सेवाले लाभान्वित गराउने छ ।

सार्वजनिक सवारी साधन चढेर आउने हवाई यात्रुले पनि यही बस चढेर आन्तरिक टर्मिनलसम्म पुग्न सक्नेछन् ।