भोलिको संसद बैठकमा परराष्ट, संचार र उर्जा मन्त्रालयको विनियोजन बजेटमाथि छलफल हुने

३ असार, काठमाडौं । संघीय संसदअन्तर्गत प्रतिनिधिसभाको आजको बैठक सकिएको छ । आजको बैठकमा आगामी आर्थिक वर्ष २०८०/८१ को विषयत मन्त्रालय संघीय मामिला तथा सामान्य प्रशासन र स्वास्थ्य तथा जनसंख्या मन्त्रालयका लागि छुट्याइएको बजेटमाथि सांसदहरुले छलफल गरेका छन् । 

अर्को बैठक भोलि सोमबार बिहान ११ बजे बस्ने जानकारी सभामुख देवराज घिमिरेले सदनमा जानकारी दिएका छन् । उनले भोलिको बैठकमा परराष्ट्र, संचार तथा सूचना प्रविधि र ऊर्जा तथा सिंचाइ मन्त्रालयमाथि विनियोजित बजेटमा छलफल हुने जानकारी सदनमा दिएका छन् । 

आज कार्यसूचीबाट हटाइएको संस्कृति, पर्यटन तथा नागरिक उड्डयन मन्त्रालयमाथिको छलफल भने यही असार ८ गते बस्ने बैठकमा छलफल हुने जानकारी दिए । मन्त्रालयको बजेट प्रतिवेदनमा कोशी प्रदेश र मधेश प्रदेशको नाम पुरानै उल्लेख भएपछि प्रतिपक्षीका सांसदहरुले विरोध गरेपछि सूचीबाट हटाइएको थियो ।