भारतीय गुप्तचर एजेन्सी ‘रअ’ का नयाँ प्रमुखमा सिन्हा

४ असार, काठमाडौं । भारतीय गुप्तचर एजेन्सी रिसर्च एन्ड एनालिसिस विङ ‘रअ’को नयाँ प्रमुखमा रवि सिन्हा नियुक्त भएका छन् ।

भारतीय प्रहरी सेवा (आईपीएस) अफिसरका रुपमा सरकारी सेवामा प्रवेश गरेका सिन्हालाई गत गलबार प्रधानमन्त्री नरेन्द्र मोदीको मन्त्रिपरिषदको बैठकले सो पदमा नियुक्त गरेको हो ।

दुई वर्षे कार्यकालका लागि सो पदमा नियुक्त भएका ‘रअ’का वर्तमान प्रमुख सामन्त गोयलको पदावधि जुन ३० मा सकिँदैछ । त्यसपछि सिन्हाले प्रमुख पद सम्हाल्नेछन् ।

सिन्हा १९८८ मा आईपीएसमा प्रवेश पाएका उनी पछिल्लो समयमा मन्त्रिपरिषद् सचिवालयमा विशेष सचिवका रुपमा कार्यरत छन् । ‘रअ’ले नेपाल हेर्न छुट्टै च्याप्टर खडा गरेको छ ।