बाढीपहिरो प्रभावित क्षेत्रमा राहत र उद्धार कार्य तीव्र गतिमा भइरहेको छ : प्रधानमन्त्री
नेपालबहस संवाददाता
असार ४, २०८० सोमबार १६:३०:३५
४ असार, काठमाडौं । बाढी–पहिरो क्षेत्र कोशी प्रदेशको संखुवासभा पुगेका प्रधानमन्त्री पुष्पकमल दाहाल ‘प्रचण्ड’ले बाढी पहिरो प्रभावित जिल्लामा उद्धार, राहत र घाइतेको उपचार तीव्र गतिमा भइरहेको बताएका छन् ।
सोमबार नेपाली सेनाको हेलिकप्टरबाट गृह, भौतिक पूर्वाधारमन्त्रीसहित टोली लिएर बाढी प्रभावित जिल्ला संखुवासभाको तुम्लिङटारमा पुगेका प्रधानमन्त्री प्रचण्डले राहत, उद्धारका कार्य युद्धस्तरमा भइरहेको बताए ।
प्रधानमन्त्री दाहालले बाढीपहिरो प्रभावित र विस्थापितलाई पुनःस्थापना गर्ने, घरबारविहीनको तत्काल स्थानान्तरण र आवासको व्यवस्था मिलाउने, बाढीले बगाएका पक्की पुलमा बेलिब्रिज बनाउने कार्य भइरहेको बताए । उनले सुरक्षा निकायले तयार पारेको बाढी पहिरो प्रभावित क्षेत्रको श्रव्यदृष्यमार्फत जानकारी लिएका थिए । अहिले प्रभावित जिल्ला संखुवासभा, ताप्लेजुङ, पाँचथर, धनकुटा लगायतबाट क्षतिको विवरण संकलनको काम भइरहेको बताए ।
उनले दुई वर्षपहिले सिन्धुपाल्चोकको मेलम्ची बाढीले जस्तै अपत्याशित र असोचनीय क्षति पुर्याएको पाइएको बताए ।
अविरल वर्षाका कारण आएको बाढीपहिरोमा परी संखुवासभा, ताप्लेजुङ, पाँचथरमा गरी ८ जनाको मृत्यु भएको छ भने २८ जना बेपत्ता छन् ।
संखुवासभा–ताप्लेजुङ सीमा खोला हेवामा निर्माणधीन हाइड्रो पावरमा कार्यरत एक जना मजदुरको मृत्यु भएको भन्दा १८ जना बेपत्ता छन् । १२ जनाको आज बिहान सेनाको हेलिकोप्टरबाट उद्धार गरिएको छ । अति प्रभावित ३ जिल्लामा सडक, पुलतर्फ ५० करोडभन्दा बढी मूल्यबराबरको क्षति पुगेको भौतिक पूर्वाधार मन्त्री प्रकाश ज्वालाले बताएका छन् ।
तुम्लिङटारबाट प्रभावित क्षेत्र ताप्लेजुङ र पाँचथरतर्फ उडेका उनी मौसम प्रतिकुलताका कारण विराटनगर अवतरण गरेका थिए । उनी त्यहीबाट काठमाडौं फर्किएका छन् । अहिले उनको नेतृत्वमा गठित समाजवादी मोर्चा घोषणा कार्यक्रममा सहभागिता जनाइरहेका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपपहिलोपटक पटक टिपताला पुगे नेपालतर्फका स्काभेटर र ट्याक्टर
जेठ ४, २०८१ शुक्रबार
कोशीका मुख्यमन्त्री कार्कीले विस्तार गरे मन्त्रिपरिषद, सबैले लिए शपथ
जेठ ४, २०८१ शुक्रबार
हात्ती धपाउन अत्याधुनिक ‘ड्रोन’को प्रयोग
जेठ ४, २०८१ शुक्रबार
अवनतिको बाटो फेर्न लागेको राजनीति र सुरक्षा चासो
सुबोधकुमार अधिकारी
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
नेपालबहस संवाददाता
जेठ ४, २०८१ शुक्रबार
डीआईजी बढुवाको छलाङले प्रहरीमा चरम नैराश्यता, विवादको घेरामा लामिछाने
जेठ ५, २०८१ शनिबार
शनिबार शनिदेवको प्रिय दिन, आज शनि महाराजले कसलाई लाभ-हानी दिन्छन् ?
जेठ ५, २०८१ शनिबार
ठमेलमा खाना तथा हस्तकला मेला
जेठ ५, २०८१ शनिबार
स्टार्टअपलाई १० वर्ष आयकर छुट, सहज ब्याजदरको कर्जा सुविधा
जेठ ५, २०८१ शनिबार
चोरीमा संलग्न रहेको अभियोगमा ६ जना पक्राउ
जेठ ५, २०८१ शनिबार
संसदीय छानबिन समितिको टीओआर बनाउन कानून मन्त्रीको संयोजकत्वमा कार्यदल गठन
जेठ ५, २०८१ शनिबार
बाँकेको जमुनाहा नाका आज रातिबाट बन्द हुँदै
जेठ ५, २०८१ शनिबार
उमेर नपुग्दै गर्भपतनले स्वास्थ्य समस्या बढ्दै
जेठ ५, २०८१ शनिबार