समाजवादी मोर्चा घोषणा, नेपाली विशेषताको समाजवाद प्राप्ति मुख्य उद्देश्य (घाेषणापत्र)

४ असार, काठमाडौं । सरकारको नेतृत्व गरिरहेको नेकपा (माओवादी केन्द्र), सत्तारुढ दल जसपा र एकीकृत समाजवादी तथा नेकपासहित ४ दल आवद्ध समाजवादी मोर्चा नेपाल घोषणा भएको छ ।

काठमाडौंको भृकुटीमण्डपस्थित राष्ट्रियसभाको हलमा मोर्चाको घोषणा गरिएको हो । घोषणा कार्यक्रममा प्रधानमन्त्री प्रचण्ड मुख्य वक्ता बनेका छन् ।

माेर्चाकाे मुख्य उद्देश्य  नेपाली विशेषताको समाजवाद प्राप्ति रहेकाे ७ बुँदे घाेषणपत्र पनि जारी गरिएकाे छ ।

घोषणा कार्यक्रममा माओवादी केन्द्रका तर्फबाट अध्यक्ष एवं प्रधानमन्त्री प्रचण्ड, जसपाका तर्फबाट अध्यक्ष उपेन्द्र यादव, एकीकृत समाजवादीका तर्फबाट अध्यक्ष माधवकुमार नेपाल र नेकपाका तर्फबाट महासचिव विप्लवले हस्ताक्षर गरेका घाेषणापत्र सार्वजनिक गरिएको छ ।