समाजवादी मोर्चा घोषणा कार्यक्रममा नागरिकता विधेयकको चर्चा, मधेशी समुदाय भन्न यादवकाे आग्रह

४ असार, काठमाडौं । सत्तारुढ  जनता जनता समाजवादीका अध्यक्ष एवं सांसद उपेन्द्र यादवले नागरिकताको मुद्दा सरकारको नेतृत्व गरिरहेको माओवादी केन्द्र, सत्तारुढ जसपा, एकीकृत समाजवादी र सरकार बाहिर रहेका नेकपासहित ४ दल मिलेर गठित समाजवादी मोर्चा नेपालको काठमाडौंमा घोषणा कार्यक्रममा पनि महत्वसाथ उठाएका छन् ।

उनले मधेशमा लाखौं नागरिक नागरिकता पाउन नसकेर हैरानीमा रहेको बताउँदै नागरिकको हरेक अधिकार प्राप्तिका लागि मोर्चाको स्थापना गरिएको बताए । उनले मधेशमा नागरिकलाई मधेशी नभई मधेशी समुदाय भन्न समेत आग्रह गरे ।
उनले

मोर्चाको घोषणा हुनु पहिल्यै केही मान्छेमा डर पसेको पाइएको भन्दै मोर्चासँग कोही त्रसित नहुन समेत आग्रह गरे । उनले नेपालको संविधानले समाजवादको परिकल्पना गरेको स्मरण गर्दै मोर्चाले नेपाली विशेषताको समाजवाद हासिलका लागि राजनीतिक गतिविधि गर्ने स्पष्ट पारे ।

सरकारको सिफारिसमा राष्ट्रपति रामचन्द्र पौडेलबाट गएको जेठ १७ मा प्रमाणिकरण भई १९ गते नेपाल राजपत्रमा प्रकाशित भएर बनेको नागिरकता ऐन सर्वोच्च अदालतमा परेको मुद्दामा भएको आदेशका कारण कार्यान्वयनमा रोक लागेको छ । मुद्दाको अन्तिम सुनुवाइ हुने क्रममा रहेको छ । नागरिकता पाउनुपर्ने भन्दै काठमाडौंमा मधेश प्रदेशका युवाहरु आन्दोलन गरिरहेका छन् ।