नागरिकता पीडितमाथि दमन रोक्न संसदमा उठ्यो आवाज

६ असार, काठमाडौं । नागरिकता पीडितमाथिको दमन रोक्न संसदमा आवाज उठेको छ । स्वतन्त्र सांसद अमरेशकुमार सिंहले प्रतिनिधिसभाको आइतबार जारी बैठकमा शून्य समयमा बोल्दै नागरिकताका लागि माइतीघर मण्डलामा नागरिकता पाउनुपर्ने शान्तिपूर्ण आवाजसहित धर्ना बसिरहेका सयौं युवाहरुमाथि सरकारले प्रहरी लगाएर दमन गरेको भन्दै आपत्ति जनाएका छन् ।

दमन रोक्न उनले सरकारको ध्यानाकर्षण गराए । आज पनि युवा युवतीहरु धर्नामा बसिरहेका छन् । उनीहरु बुधबार पनि बिहानैदेखि बसेका हुन् । सडकमै खाना खाजा खाएर धर्नामा छन् ।

धर्नाका क्रममा मंगलबार दिउँसो मण्डलामा रहेका धर्नाकारीमाथि बल प्रयोग गरी धरपकड चलाएको थियो । धरपकडका क्रममा दर्जन भन्दा बढी धर्नाकारीहरु घाइते भएका थिए ।

सांसद सिंहले अदालतले पनि नागरिकता मुद्दालाई छाँडो टुंग्याउन आग्रह गरे । ‘रबि लामिछानेको मुद्दा एक दिनमै टुंग्याउने न्यायालय नागरिकता पीडितहरुको हकमा किन मौन ?’ सांसद सिंहले प्रश्न गरे ।