लम्पी स्किन रोगविरुद्ध तत्काल औषधी उप्लब्ध गराउन संसदमा माग

६ असार, काठमाडौं । पशु चौपायामा महामारी फैलिइरहेको लम्पी स्किन रोगले महामारी फैलिने क्रम तीव्र बनेको भन्दै रोगविरुद्ध औषधि उप्लब्ध गराउन सरकार सांसदहरुले माग गरेका छन् । 

बुधबार जारी प्रतिनिधिसभाको बैठकमा शून्य समयमा बोल्दै सांसद छिरिङ डम्डुल शेर्पाले लम्पी स्किन रोगविरुद्ध तत्काल औषधी र भ्याक्सिन उप्लब्ध गराउन माग गरे ।

हुम्लामा पनि लम्पी स्किनले महामारीको रुप लिएको र सयौं पशु चौपाया मरेको जानकारी दिए । निजी क्षेत्रका कम्पनीले रोगविरुद्ध भ्याक्सिन ल्याएको दाबी गरेपनि सरकार भने मौन बसेको छ । 

देशका ७४ जिल्लामा लम्पी स्किन फैलिइसकेको र यसबाट १० हजार भन्दा बढी पशु मरिसकेको अवस्था छ । 

यस्तै, सांसद जुलीकुमारी महताेले लम्पी स्किनविरूद्ध औषधि तुरून्त उप्लब्ध गराउन माग गरिन् ।