मिटरब्याजी पनि माइतीघर मण्डलामा धर्ना [ फोटोफिचर ]

६ असार, काठमाडौं । सरकारले मिटरब्याजीहरुमाथि अनुचित कारोबारी कसुरमा कारवाही गर्ने तयारी गरिरहेको बेला मिटरब्याजीहरु चर्को ब्याजमा ऋण प्रवाह गर्न पाउनुपर्ने भन्दै प्रदर्शर्न सुरु गरेका छन् । 

उनीहरु बुधबार माइतीघर मण्डलामा लेनदेन सहज गर्नुपर्ने भन्दै प्रदर्शनमा उत्रिएका हुन् । प्रदर्शनमा महिला, पुरुषहरु सहभागी छन् । तराईका विभिन्न जिल्लाबाट आएका मिटरब्याजीहरू पीडित लेनदेन संघर्ष समितिको नेतृत्वमा आन्दोलनपछि धर्नामा बसेका छन् । 

उनीहरुले मुख्यगरी सरकारले मिटरब्याजीहरुलाई कारवाही गर्न ‘मिटरब्याज (अनुचित लेनदेन) जाँचबुझ आयोग अध्यादेश २०८०’ जारी गरेर जनकपुरधाममा आयोगको मुख्यालय स्थापना गरिसकेको छ । आयोगले मिटरब्याजी पीडितहरुबाट लिखित उजुरी लिएर अध्ययन गरिरहेको छ ।

यसअघि महिनौंसम्म मिटरब्याजी पीडितहरुले मिटरब्याजीले ५० हजार ऋणलाई २० लाखसम्म पुर्याएर ठगी गरेको र घरबास उठाएको भन्दै कारवाहीका लागि माइतीघर मण्डलामा धर्ना र आन्दोलन गरेका थिए । योपटक भने मिटरब्याजीहरु नै अध्यादेश खारेजीको माग गर्दै काठमाडौंका सडकमा आइपुगेका छन् ।