हिउँमा चिप्लिएर दार्चुलामा यार्सा संकलकको मृत्यु

६ असार, काठमाडौं । दार्चुलामा यार्सागुम्बा संकलन गर्न गएका एक जनाको मृत्यु भएको छ । अपिहिमाल गाउँपालिका–४ अल्याडीका लक्ष्मण सिंह बोहराको मंगलबार दिउँसो राखुपा लेकमा हिउँमा चिप्लिएर मृत्यु भएको हो । 

४५ वर्षीय बोहराको घटनास्थलमै मृत्यु भएको प्रहरीले जनाएको छ । उनको शव बुधबार घरपरिवारको जिम्मा लगाइएको छ ।

यसअघि पनि यस जिल्लामा यार्सा संकलनका क्रममा हिम पहिराेमा परी थुप्रै स्थानीयकाे ज्यान गइसकेकाे छ ।