झापामा ट्रक र कार आपसमा ठोक्किँदा बाबु–छोरीको मृत्यु

१२ असार, काठमाडौं । पूर्वपश्चिम राजमार्ग अन्तर्गत झापाको शिवसताक्षी–९ स्थित भालुखोलामा कार र ट्रक आपसमा ठोक्किँदा बाबु–छोरीको मृत्यु भएको छ ।

पूर्वबाट पश्चिमतर्फ गइरहेको प्र१–०२–००क ३८७९ नम्बरको ट्रक र विपरीत दिशाबाट आइरहेको प्र१–०१–००च ७४८२ नम्बरको कार गएराति एकापसमा ठोक्किँदा उनीहरुको मृत्यु भएको जिल्ला प्रहरी कार्यालय झापाले जानकारी दिएको छ।

कारमा सवार मोरङ उर्लाबारी नगरपालिका–६ बस्ने ४५ वर्षीय गुरुचन चौधरी र उनकै छोरी १८ वर्षीया कुमकुम चौधरीको मृत्यु भएको प्रहरीले जनाएको छ ।

गुरुचनको छोरा १० वर्षीय विवेक चौधरी, रतुवामाई नगरपालिका–१० का १९ वर्षीय रिकेश न्यौपाने, उर्लाबारी–७ का ४० वर्षीया मुना साह घाइते अवस्थामा विर्तामोडस्थित बिएण्डसी अस्पतालमा उपचार भइरहेको प्रहरीले जनाएको छ।

दुर्घटनामा भएका कार क्षतिग्रष्त बनेकाे छ भने ट्रक पल्टिएकाे छ ।