टिप्परको ठक्करबाट मोटरसाइकल चालकको मृत्यु

१२ असार, कञ्चनपुर । कञ्चनपुरको पुनर्वास नगरपालिका-५ सिमरीमा मंगलबार टिप्परको ठक्‍करबाट मोटरसाइकल चालकको मृत्यु भएको छ ।  टिप्परको ठक्‍करबाट घाइते भएका स्थानीय ६२ वर्षीय मोतिलाल रानाको उपचारको क्रममा माया मेट्रो अस्पताल धनगढीमा मृत्यु भएको हो ।

 पुनर्वासबाट धनगढीतर्फ जाँदै गरेको सुदूर पश्चिम प्रदेश-०१-००१ क २२०० नम्बरको टिपरले विपरित दिशाबाट आउँदै गरेको से ४ प २२७९ नम्बरको मोटरसाइकललाई ठक्‍कर दिएको थियो । दुवै सवारीसाधन र टिप्पर चालकलाई प्रहरीले नियन्त्रणमा लिएको छ ।