मजदुरको रकममा मिटरब्याज असुल्ने एक महिला पक्राउ

१४ असार, काठमाडौं ।  बारा र पर्साका विभिन्न उद्योग–कारखानामा कार्षरत मजुदरसँग उच्च आम्दानी लोभ देखाई पैसा लिएर मिटरब्याजमा लगाउँदै आएकी एक महिलालाई प्रहरीले पक्राउ गरेको छ । 

पक्राउ पर्नेमा जीतपुर सिमरा उपमहानगरपालिका–२ की सिर्जना खड्का रहेकी छन् । खडकाले निजगढ, सिमरा, जीतपुर, पथलैया, अम्लेखगञ्ज, हेटौंडा, वीरगञ्जलगायतका क्षेत्रमा दर्जनौं व्यवसायी, औद्योगिक करिडोरमा कार्यरत मजदुर तथा कर्मचारीसँग विभिन्न प्रलोभन र झुक्यानमा पारेर पैसा लिएर चर्को ब्याजदर अर्थात मिटरब्याज (अनुचित लेनदेन) गर्दै आइरहेकी खडकालाई पीडितको उजुरीका आधारमा प्रहरीले गत हप्ता पक्राउ गरेको हो । 

उनले यस क्षेत्रका बैंक तथा वित्तीय संस्थामा कार्यरत कर्मचारी तथा वैदेशिक रोजगारीबाट फर्किएका मजदुरहरुसँग पनि ठगी गरेको खुलेको छ । उनले कसैसँग ब्याजको लोभ र कसैसँग समस्या देखाई सापटी लिएर फरार भएको पाइएको छ । त्यसरी लिएको रकम उनले मिटरब्ष्याजमा लगाउने गरिएको खुलेको छ । 
चलनचल्तीको ब्याजमा २० रुपैयाँ लिएर लामो समय सम्पर्कविहीन भएको र पछि ब्याजसमेत जोडेर फिर्ता गरेको चेक नसाटिएपछि पीडित सुजित घिसिङले प्रहरीमा उजुरी दिएका थिए । बहिनीमार्फत चिनेकी खडकालाई विश्वासमा परेर सामान्य ब्याजमा पैसा दिएको बताएका छन् । आफूजस्तै धेरै जनालाई ठगी गरेको पाइएपछि उनले ब्यालेन्स नभएको चेक बाउन्स  गरी बैंकिङ कसुरमा जाहेरी दिएका थिए । 

विभिन्न व्यवसायी, पसले र बैंक तथा वित्तीय संस्थाका कर्मचारी, घराना वर्गका मान्छे समेत उनको ठगी धन्दाको शिकार भएको पाइएको छ । सहारा लघुवित्तमा बजार प्रतिनिधिको रुपमा काम गरेकी खड्काले बचतकर्ताको रकमसमेत मिटरब्याज लगाएको खुलेको छ । त्यसपछि उनलाई संस्थाले निष्कासन गरेको थियो । 

खडकाविरुछ उजुरी आउने क्रम जारी रहेको प्रहरीले जनाएको छ । उनको ठगीधन्दा पीडितहरुले प्रहरीकहाँ पुग्दा रकम फिर्ता पाउन नसक्दा केही पीडित बाराका सांसद कृष्णकुमार श्रेष्ठ (किसन)सँग गुहार माग्न पुगेका छन् । 

कुनैबेला सहकारीकी अध्यक्ष समेत रहेकी अभियुक्त खड्कालाई एकै व्यक्तिले ५ लाखदेखि ७ करोड रुपैयाँसम्म लगानी गरेको पाइएको छ । संजाल नै बनाएर लामो समयदेखि करोडौं रुपैयाँ रकम अपचलन गर्दै आइरहेका देखिएकी खडकासँग अन्य व्यक्तिहरुको पनि संलग्नता रहेको आशंकामा अनुसन्धान भइरहेको प्रहरीले जनाएको छ । ‘कारोबार’को ठूलो रकमको चेक बाउन्स गरेर उजुरी दिन आउने गरिएको अवस्थाका पीडितहरु रहेका प्रहरीको दाबी छ । खडका मिटरब्याजी रहेको कुरा केही तथ्यले खुलेको प्रहरीको भनाइ छ ।तर अभियुक्त खडकाले भने आफूले केहीसँग सापटी र केही व्यक्तिसँग ऋण लिएको दाबी गर्दै आइरहेकी प्रहरी स्रोतको भनाइ छ ।

केही पीडितहरुले भने मिटरब्याजी खडकाविरुद्ध उजुरी दिन आउनेहरुलाई उल्टै रकम चेक लिन दबाब दिने र कुटपिट समेत गर्ने गरेको बताएका छन् । खडकाकी पति मनोजको पनि मिटरब्याज कसुरमा संलग्नता रहेको भन्दै पक्राउ गर्न माग गरेका छन् ।

सरकारले मिटरब्याजमा ऋण दिने कार्यलाई अनुचित लेनदेनको कसुरकाे दर्जामा राखेर संलग्निवरूद्ध कारवाही गर्दै आइरहेको छ ।