मुलुकी संहिता केही नेपाल ऐन संशोधन गर्ने विधेयक पारित

१७ असार, काठमाडौं । प्रतिनिधिसभाको आइतबारको बैठकमा मुलुकी संहिता केही नेपाल ऐन संशोधन गर्ने विधेयक पारित भएकाे छ । राष्ट्रियसभामा उत्पत्ति भई सन्देश छलफलका लागि आइतबार प्रतिनिधिसभामा छलफल गराइएको थियो । 

छलफलमा सांसदहरुले उठाएका प्रश्नको जवाफ कानून, न्याय तथा संसदी मामिला मन्त्री धनराज गुरुङले जवाफ दिएपछि उपसभामुख इन्दिरा रानामगरले निर्णायर्थ प्रस्तुत गरेकी थिइन् । प्रस्तुत विधेयक सर्वसम्मतिबाट पारित भएको हो । विपक्षमा कुनै सांसद देखिएनन् । 

सरकारले चर्काे ब्याजमा ऋण लगानी गर्ने र ब्याजलाई साँवा बनाउने र लिएकाे ऋणकाे लिखतमा अन्त्यमा २/३ शून्य थप गरेर हजारलाई लाख, लाखलाइ कराेड साँवा बनाएर ऋणीकाे घरबास उठीबास गराउनेमाथि कारवाही गर्न गत बैशाख २० मा सरकारले ल्याएकाे अध्यादेश संसदमा ल्याइएकाे हाे ।

बैठकमा अहिले आर्थिक विधेयकमाथि छलफल सुरु भएको । सांसद प्रेम सुवालले विधेयकमाथि विरोधको सूचना राखेका छन् । उनले धारणा राख्ने क्रममा एनसेललाई छुट दिने तत्कालीन सर्वोच्च अदालका न्यायाधीशहरुमाथि महाभियोग लगाउनुपर्ने बताए । साथै अर्थमन्त्रीले पौने खर्ब रुपैयाँ बजेट राखेर तजबिजीमा खर्च गर्ने पाउने नीति खारेज गर्नुपर्ने बताए ।

साथै अर्बपतिलाई पोस्ने कर छुट नीति खारेज हुनुपर्ने बताए । कर नीति गरिब वर्गलाई सहुलियत दिने किसिमका नभएको बताए ।