५ बजेसम्मका स्थगित गरिएको बागमती प्रदेशसभा बैठक अझै सुरु हुन सकेन

१७ असार, काठमाडौं । प्रतिपक्षी दलहरुको विरोधपछि आर्थिक वर्ष २०८०/८१ को बजेटमाथि छलफल गर्न सुरु भएको बागमती प्रदेशसभा बैठक स्थगित भएको छ ।

प्रतिपक्षी एमाले, राप्रपाका सांसदहरुले बजेट अन्तुलित र विभेदकारी भएको भन्दै बैठक सुरु हुनसाथ नाराबाजी गरेपछि बैठक चल्न नसकेको हो । नाराबाजीपछि बेलुका ५ बजे बस्ने गरी सभामुख भुवन त्रिपाठीले बैठक स्थगन गरेका थिए । तर अझै बैठक सुरु हुन सकेको छैन । 

बागमती सरकारको नेतृत्व माओवादी केन्द्रले गरिरहेको छ भने सरकारमा कांग्रेस, एकीकृत समाजवादी सहभागी छन् । प्रमुख प्रतिपक्षमा एमाले छ । असार २५ गतेभित्र बजेट पारित गर्नुपर्ने सरकारलाइ बाध्यता छ ।

एमालेले संघको बजेटमा पनि पुनर्लेखनको माग गर्दै पटकपटक बजेट बैठक अवरुद्ध पारेको थियो । एमालेकै मागअनुसार बजेट मतदान प्रक्रियाबाट पारित भएको थियो ।