नारायणगढ मुग्लिन सडक दुईतर्फी सञ्चालन

१७ असार, काठमाडाैं । पहिरो खसेपछि शनिबार रातिदेखि अवरुद्ध भएको नारायणगढ–मुग्लिन सडकखण्ड केहीबेर अघिबाट सञ्चालनमा आएको छ ।

इच्छाकामना गाउँपालिका–५ तुइन खोलामा नारायणगढतर्फको भागमा खसेको पहिरोले सडक अवरुद्ध भएको थियो ।

आइतबार दिनभर दुई वटक एक्साभेटरले पहिरोसँगै खसेको ढुंगा माटो हटाएपछि सडक दुई तर्फी लेन सञ्चालनमा आएको चितवन प्रहरीले जनाएको छ । 

सडक खुलेपछि शनिबार रातिदेखि सडकमा अलपत्र गाडीहरु गन्तव्यतर्फ जान थालेका जिल्ला प्रहरी कार्यालय चितवनका प्रवक्ता डीएसपी विजयराज पण्डितले बताए ।