साङ्गे विद्युत कम्पनीको हकप्रद शेयर बिक्री खुला

१९ असार, काठमाडौं । साङ्गे विद्युत कम्पनीले मंगलबारदेखि ८०० प्रतिशत हकप्रद शेयर निष्काशन गरेको छ । कम्पनीले प्रति कित्ता ५० रुपैयाँको दरले २३ लाख ६८ हजार १२२ कित्ता शेयर बिक्री बिक्री खुला गरेको हो । कम्पनीको जेठ २६ गते बसेको सञ्चालक समितिको बैठकले आजदेखि १ः८ को अनुपातमा हकप्रद सेयर निष्कासन गर्ने निर्णय गरेको थियो । 

यसमा साउन २२ गतेसम्म आवेदन दिन सकिनेछ । दरखास्त फारम साङ्गे विद्युत कम्पनीको कार्यालय ब्लुस्टार कम्प्लेक्स, त्रिपुरेश्वरबाट प्राप्त गरी आवेदन भर्न सकिने कम्पनीले जनाएको छ । हाल कम्पनीको प्रतिकित्ता सेयरको दर ५० रुपैयाँ कायम भइसकेकोले आफ्नो शेयर संख्यालाई २ ले गुणा गरी हकप्रद शेयर भर्न कम्पनीले आग्रह गरेको छ । 

शेयरधनीले आफ्नो हक वा सो भन्दा बढी शेयर खरिद गर्न आवेदन दिन पाउने छन् । कबूल नगरिएको सम्पूर्ण हकप्रद शेयरहरु बढी शेयर खरिदका लागि आवेदन दिने शेयरधनीलाई वितरण गरिनेछ ।