अरूले नै बोलेको कुरालाई उचालेर बबण्डर गर्न खोजिँदैछ : प्रधानमन्त्री प्रचण्ड

२० असार, काठमाडौं । प्रधानमन्त्री पुष्पकमल दाहाल ‘प्रचण्ड’ले सरदार प्रितम सिंहको पुस्तक विमोचन कार्यक्रममा अरुले नै बोलेको भनेर आफूले सुनाएको कुरालाई बंग्याएर विपक्षी दलहरुले संसदमा बबण्डर मच्चाउन खोजिएको बताएका छन् । 

असार १८ गतेको कार्यक्रममा प्रचण्डले आफूलाई प्रधानमन्त्री बनाउने सन्दर्भमा सरदार प्रितम सिंहले पटक–पटक दिल्ली गएको कुरा गरेको र नेपालका प्रभावशाली व्यक्तिसँग भेटघाट गरेको सन्दर्भलाई राखेको विषयलाई एमालेले पूर्वाग्रह राखेर विरोध गरेको बताए । 

उनले बुधबार काठमाडौंकाे कीर्तिपुरमा क्रान्तिकारी स्ववियू काउन्सिलको तेस्रो भेलाकाे उदघाटन सत्रमा बाेल्दै आफूले बोल्दै नबोलेको कुरालाई विषय बनाएर एमालेले पूर्वाग्रह देखाएको बताए । साथै उनले मिटरब्याजीलाइ कारवाही गर्ने कानून पारित हुन नदिन विराेधका विषय बनाइएकाे बताए ।

प्रचण्डले आफूलाई प्रधानमन्त्री बाउन सरकार सिंह पटकपटक भारतको नयाँ दिल्ली गएको भनी अभिव्यक्ति दिएको भन्दै एमालेले संसदमा आएर जवाफ दिनुपर्ने माग राखेको छ । आजै बसेको एमालेको संसदीय दलको बैठकले प्रधानमन्त्रीले अभिव्यक्तिबारे सदनमा उपस्थित भएर प्रष्टिकरण दिन माग गरेको छ ।

सोही माग राख्दै एमालेले आज २ः३० मा सुरु भएको राष्ट्रियसभाको बैठक अवद्ध पारेको छ । अहिले बैठक स्थगन भएको अवस्था छ । प्रतिनिधिसभाको बैठक पनि जवाफ नआएसम्म चल्न नदिने एमालेले योजना बनाएको छ । प्रतिनिधिसभाको बैठक दिउँसो ३ बजे बस्ने भनिएपनि सुरु हुन सकेको छैन ।

नेपालमा पहिलोपटक ट्रक ल्याएका सरदार प्रितम सिंहमाथि किरणदीप सन्धुले लेखेको पुस्तक ‘रोड्स टु द भ्याली स् द लिगेसी अफ सरदार प्रितम सिंह इन नेपाल’को विमोचन सोमबार प्रधानमन्त्री प्रचण्डले गरेका थिए । विमोचनपछि उनले उक्त अभिव्यक्ति दिएका थिए ।

​​​​​​​यो पनि पढ्नुहोस