पोखरा उडानका लागि पत्राचार गरेपनि नेपालले वास्ता गरेको कतारी राजदूतको गुनासो

२२ असार, काठमाडौं । नेपालका लागि कतारी राजदूत युसुफ बिन मोहम्मद अल हेलले नेपालको पोखरा क्षेत्रीय अन्तर्राष्ट्रिय विमानस्थलमा उडानका लागि कतारले पटकपटक पत्राचार गरेपनि नेपालले बेवास्ता गरेको बताएका छन् । उनले कतारको पोखरा–दोहा सीधा उडानका लागि प्रस्ताव पत्र पठाएपनि नेपालको तर्फबाट जवाफ नआएको गुनासो गरेका गरेका हु्न् । 

उनले शुक्रबार राष्ट्रियसभाका अध्यक्ष गणेश तिमिल्सिनासँगको बिदाइ भेटमा राजदूत हेलले यस्तो गुनासो गरेका हुन् । कतार सरकार पोखरा विमानस्थलबाट न्यारोबढीको जहाज सिधा उडानका लागि तयार रहेको बताए उनले बताए । 

नेपालका अधिकारीहरुले पोखरामा भौगोलिक अवस्थितिका कारण अन्तर्राष्ट्रिय विमान कम्पनीहरुले उडान भर्ना इच्छा नदेखाएको बताइरहेका बेला राजदूत हेलका यस्ता गुनासा आएका छन् ।

भेटपछि कतारी राजदूतको गुनासाले आफू नाजवाफ भएको प्रतिक्रिया तिमिल्सिनाले दिएका छन् । पोखरा अन्तर्राष्ट्रिय विमानस्थल सञ्चालनका लागि सरकारले तत्काल गम्भीरतापूर्वक ध्यान दिनुपर्ने बताए । 

पोखरा विमानस्थलमा जुन २१ तारिखमा चीनको छेन्दुबाट सिचुवान एयरलाइन्सको चार्टर्ड उडानबाट पहिलोपटक अन्तर्राष्ट्रिय उडान भएको थियो । चीन् भ्रमणमा रहेका बेला अध्यक्ष तिमिल्सिना सो उडानबाट पोखरा ओर्लिएका थिए । त्यसपछि कुनैपनि अन्तर्राष्ट्रिय भएको छैन ।

उडान नहुँदा विमानस्थल संचालन खर्च र कर्मचारीको तलब समेत चलाउन नसक्ने अवस्थामा पुगेको अधिाकरीहरुले नै बताइरहेका छन् । विज्ञहरुले विमानस्थल ‘सेतो हात्ती’ बन्ने संभावना बढेको टिप्पणी समेत गरेका छन् ।