वैद्य अर्गनाइजेशनका कर्मचारीलाई ॐ हस्पिटलकाे मेडिकल सर्भिसमा बिशेष छुट

१७ साउन, काठमाडौं । काठमाडौं चावहिलमा अवस्थित ॐ हस्पिटल एण्ड रिसर्च सेन्टर र काठमाडौं धुम्वाराहीस्थित वैद्य अर्गनाइजेशन बीच विशेष छुटसहित सेवा सम्बन्धी सम्झौता भएको छ ।

वैद्य अर्गनाइजेशनको कार्यालयमा आयोजित संक्षिप्त कार्यक्रममा ॐ हस्पिटल एण्ड रिसर्च सेन्टरका प्रमुख कार्यकारी अधिकृत यम वहादुर महत तथा वैद्य अर्गनाइजेशनका निर्देशक वेद वहादुर श्रेष्ठले सम्झौता पत्रमा हस्ताक्षर गरेका हुन् ।

वैद्य अर्गनाइजेशनका सदस्य र कर्मचारीहरूको लागी आवश्यक स्वास्थ्य उपचार सेवा सुलभ र सहज रुपमा पु–याउने उद्देश्यले सम्झौता गरेको जनाइएको छ । सम्झौता अनुसार बैद्य अर्गनाइजेशनसँग सम्बन्धित कर्मचारी तथा निजका परिवारका सदस्यहरूले ॐ हस्पिटल एण्ड रिसर्च सेन्टरबाट ‘फास्ट ट्रयाक मेडिकल सर्भिस’ अन्तर्गत पुर्णकालिन आवश्यक सेवाहरु विशेष छुटमा सहज रुपमा लिन सक्नेछन् ।

सम्झौतामा चिकित्सकसँगको परामर्श, विशेषज्ञ उपचार सेवा, नर्सिङ केयर, एम्बुलेन्स सेवामा समन्वय, ल्याब टेस्ट, विभिन्न खोपको लागी व्यवस्था, रगत परीक्षण तथा प्रि हेल्थ चेकअप सेवा लगायतका सुविधाहरु उपलब्ध हुने जनाइएको छ ।  ॐ अस्पतालले कर्पोरेट डेस्क मार्फत बैद्य अर्गनाइजेशनको संस्थागत सिफारिसमा उपचार तथा परीक्षणका लागि आउनुहुने सेवाग्राहीका लागि सम्पर्क व्यक्तिको समेत व्यवस्था गरेको जनाएकाे छ ।

समारोहमा बैद्य अर्गनाइजेशनका एचआर तथा एडमिन प्रमुख विनिता कुईँकेल र ॐ हस्पिटलका विजनेस डेभलपमेन्ट म्यानेजर विनोद अधिकारी सहभागी थिए । नेपालको निजी क्षेत्रबाट सञ्चालित अग्रणी स्वास्थ्य उपचार सेवा प्रदायक ॐ अस्पतालले दुई दशक अधिदेखि नै आफ्नो व्यापार प्रवर्द्धन नीति अनुसार विभिन्न संघ संस्थाहरूसँग स्टाफ तथा परिवारजनसँगै ग्राहकहरुकालागि सरलिकृत सेवा दिने र शुल्कमा विशेष छुट उपलब्ध गराउने सम्झौता गरी सोहि अनुरूप सेवा उपलब्ध गराउँदै आएको बताइएकाे छ ।

निरन्तर स्तरीय स्वास्थ्य उपचार सेवा प्रदान गर्दै आइरहेको ॐ हस्पिटल एण्ड रिसर्च सेन्टर प्रा.लि.ले एकै छानामुनी आकस्मिक उपचार देखी सघन उपचार अनि पेन मेडिसिन लगायत अन्य ३७ वटा भन्दा बढी विषयहरुमा विशेषज्ञता सेवा उपलब्ध गराउँदै आईरहेको छ ।

निःसन्तान दम्पतिलाई दाम्पत्य सुख प्रदान गर्ने आइ.भि.एफ. सेवाको शुरुवात गर्ने यो अस्पालले मातृशिशु सेवा, मुत्ररोग, मिर्गौलारोग र अर्बुदरोग उपचारमा नेपाल सरकारसँग सहकार्य गरी सहुलियत सहितको उपचार सेवा समेत प्रदान गर्दै आइरहेको छ ।

स्वास्थप्रति जागरूक नागरिकहरुका लागि यस अस्पतालमा भिन्न भिन्न स्वास्थ्य परीक्षण प्याकेजहरू मार्फत नियमित स्वास्थ्य परीक्षण, परामर्श तथा उपचार सेवाहरु समेतको व्यवस्था रहेको बताएका छन् ।