कैदीबन्दीको सरूवा रोकिएपछि सामान्य अवस्थामा फर्कियाे झापा कारागार

१९ साउन, काठमाडौं । कारागारका कैदीबन्दी (चौकीदार) मनोज लावतीसहित ४ जनालाईको सरुवा नगर्ने भएपछि झापा जिल्ला कारागार भद्रपुरका कैदीबन्दीहरूले गरेकाे उग्र प्रदर्शन साम्य भएको छ ।

चौकीदार समेत रहेका लावतीलाई सुनसरीको झुम्का कारागारमा सरुवा गर्ने तयारी कारागार प्रशासन गरेपछि कैदीबन्दीले शुक्रबार दिउँसो प्रशासनमा ढुंगा मुढा गरेका थिए । झडप समेत भएको थियो । झण्डै २ घण्टापछि अवस्था सामान्य बनेकाे हाे ।

त्यसपछि उनीहरुले मुढा बनाउन लगिएका टाय बालेर आगो लगाएका थिए । आगो निभाउन नेपाल प्रहरी र सशस्त्र प्रहरी बलको टोली दमकल लिएर कारागार पुगेका थिए । पछि लावतीको सरुवा रोक्न प्रशासन सहमत भएपनि अवस्था सामान्य बनेको जनाइएको छ ।

सरुवाका लागि लावतीसहितलाई बाहिर निकाल्दा कैदीबन्दी आक्रोशित बनेका थिए । स्थिति नियन्त्रणमा कारागारलाई चारैतिरबाट घेरा हालेर हवाई फायर समेत गरिएको बताइएको छ । 

यो पनि पढ्नुहोस