राजश्व अनुसन्धान विभागले आज प्रधानमन्त्रीलाई प्रगति विवरण बुझाएपछि भोलिबाट सीआईबीले काम थाल्ने
नेपालबहस संवाददाता
साउन २१, २०८० आइतबार १५:३१:५९
२१ साउन, काठमाडौं । त्रिभुवन अन्तर्राष्ट्रिय विमानस्थलबाट बरामद भएको सय किलो सुन तस्करी प्रकरणको हालसम्म भएको अनुसन्धानको प्रतिवेदन प्रधानमन्त्री पुष्पकमल दाहाल प्रचण्डलाई बुझाइन लागिएको छ । सुन बरामद भएपछि अहिलेसम्म अनुसन्धान गरिरहेको राजश्व अनुसन्धान विभागले आइतबार प्रधानमन्त्री प्रचण्डलाई अहिलेसम्मको अनुसन्धान प्रतिवेदन बुझाउने भएको हो ।
विभागका अनुसार सरकारी वकिलको कार्यालयमा संगठित अपराधको अनुसन्धानका लागि विभागले रायका लागि पठाउने र यसपछि प्रधानमन्त्री प्रचण्डलाई अहिलेसम्म भएको प्रगति विवरण बुझाइने बताइएको छ । प्रधानमन्त्रीको सचिवालयमा रहेका कर्मचारीलाई विभागको महानिर्देशक बनाएर अनुसन्धानमा लगाइएको भन्दै विरोध भएपछि प्रधानमन्त्री प्रचण्डले यसको अनुसन्धान सीआईबीलाई दिन निर्देशन दिएका थिए ।
अहिलेसम्म भएको अनुसन्धानको विवरण पाएपछि प्रधानमन्त्री प्रचण्डले त्यसलाई पनि अध्ययन गरी थप अनुसन्धान अगाडि बढाउन सीआईबीलाई निर्देशन दिने बताइएको छ । सीआईबीले सुन प्रकरणको अनुसन्धान कुन चरणमा पुगेको छ भन्ने आधिकारिक तथ्य नपाएकाले अनुसन्धान सुरु गरेको छैन । प्रधानमन्त्रीले सीआईबीलाई प्रतिवेदनसहित थप अनुसन्धान अगाडि बढाउन भनेपछि मात्र काम सुरु गर्ने बताइएको छ ।
साउन ३ गते हङकङबाट ब्रेक शु भित्र आएको सुन विमानस्थलको भन्सार जाँच पास भए बाहिरिएपछि राजस्वको टोलीले बरामद गरेर अनुसन्धान गरिरहेको छ । ब्रेक शु सहित समातिएको १ सय किलोको सुन अहिले राष्ट्र बैंकको टक्सार शाखामा राखिएको छ । अहिलेसम्म सुनको नापतौल भएको छैन ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपमहिला उद्योगी व्यवसायी बढ्दै, १० महिनामा दुई करोड ६३ लाख राजस्व संकलन
जेठ ७, २०८१ सोमबार
बारामा दश महिनामा रु दुई करोड ४३ लाख राजस्व संकलन
जेठ ७, २०८१ सोमबार
मेची भन्सारद्वारा रु एघार अर्ब ५९ करोड राजस्व संकलन
जेठ ६, २०८१ आइतबार
संसदीय इतिहासमा कलंकित दिन, २०८१ साल जेठ ७ गते
जेठ ७, २०८१ सोमबार
देउवा–रवी गोप्य भेटघाटः टिओआर खुकुलो बनाउने प्रस्तावप्रति ठाडै अस्वीकार
जेठ ७, २०८१ सोमबार
देउवा–रवी गोप्य भेटघाटः टिओआर खुकुलो बनाउने प्रस्तावप्रति ठाडै अस्वीकार
जेठ ७, २०८१ सोमबार
पशुपतिनाथको भेटी चोर्ने आठ जना पक्राउ
जेठ ७, २०८१ सोमबार
१० महिनामा दश हजार पर्यटक रारा पुगे
जेठ ७, २०८१ सोमबार
मौद्रिक नीति परिवर्तनमा कर्णालीको भूमिका महत्वपूर्ण : गभर्नर अधिकारी
जेठ ७, २०८१ सोमबार
१ सय सात किलो गाँजासहित कार चालक पक्राउ
जेठ ७, २०८१ सोमबार
धनगढीमा संघीय हिन्दू गणतन्त्रबारे छलफल
जेठ ७, २०८१ सोमबार