सुन प्रकरणले प्रतिनिधिसभा बैठक प्रभावित

२२ साउन, काठमाडौं । प्रतिनिधिसभाको बैठक ४ बजेसम्मका सारिएको छ । दिउँसो १ बजेका लागि बोलाइएको बैठक प्रमुख राजनीतिक दलहरुबीच बैठक संचालनबारे सहमति जुटन नसकेपछि बैठक बस्न सकेको थिएन ।

ही बेला संसद सचिवालयले सूचना टाँस गरी बैठक ४ बजेसम्मका लागि स्थगित भएको जानकारी गराएको छ । 
प्रमुख प्रतिपक्षी नेकपा (एमाले)ले क्वीन्टल सुन तस्करी प्रकरणमा छानबिन गर्न उच्चस्तरीय समिति गठन नभएसम्म प्रतिनिधिसभा र राष्ट्रियसभा दुवै सदनको बैठक चल्न दिने अडान राख्दै आइरहेको छ । आज दिउँसो बसेको राष्ट्रिय सभाको बैठक एमालेले चल्न दिएन । चल्न नसकेपछि अध्यक्ष गणेशप्रसाद तिमिल्सिनाले साउन २४ गतेसम्मका लागि बैठक स्थगित गरेका छन् ।

बैठक संचालन गर्नेबारे सहमति जुटाउन प्रतिनिधिसभाका सभामुख देवराज घिमिरेले मुख्य दल कांग्रेस, एमाले र माओवादीका शीर्ष नेताहरुसँग छलफल चलाइरहेका छन् । आजै यसअघि बसेको बैठकमा सहमति जुटन नसकेपछि बैठक पुनः बसिरहेको छ । सरकारले भने सुन प्रकरणमा सरकारका सुरक्षा निकायले अनुसन्धान गरिरहेको र बाहिरबाट थप समिति आवश्यक नपर्ने स्पष्ट पारेको छ । 

सहमति प्रयासको बैठकमा सरकार र एमाले आ–आफ्नै अडानमा कायम रहेपछि अहिले ४ बजे बस्ने भनिएको बैठक पनि टर्ने देखिएको छ ।