प्रतिनिधिसभाको बैठक बस्दै नबसी भोलिसम्मलाई स्थगित

२२ साउन, काठमाडौं । सोमबार बोलाइएको प्रतिनिधिसभाको बैठक मंगलबारसम्मका लागि स्थगित भएको छ । दिउँसो १ बजेका लागि बोलाइएको बैठक बस्न नसकेपछि ३ बजेका लागि बोलाइएको थियो । 

त्यो बेला पनि बस्न नसकेपछि भोलि मंगलबारसम्मका लागि स्थति गरिएको हो । बैठक सुचारु बनाउने प्रधानमन्त्री पुष्पकमल दाहाल प्रचण्ड, कांग्रेस सभापति शेरबहादुर देउवा र एमाले अध्यक्ष केपी शर्मा ओलीबीच सहमति नजुटेपछि संसद सचिवलायले सूचना टाँसेर स्थगित भएको जानकारी दिएको छ । 

सभामुख देवराज घिमिरेकाे पहलमा अहिले पनि मुख्य दलका शीर्ष नेताहरूकाे बैठक जारी रहेकाे छ ।