सभामुख र प्रमुख सचेतकबीको छलफल सकियो, दलीय आधारमा एक-एक जनाले बोल्न पाउने

२३ साउन, काठमाडौं । प्रतिनिधिसभाको बैठक बस्नुअघि सभामुख देवराज घिमिरेले बोलाएको बैठक सकिएको छ । संसद सचिवालयमा सम्पन्न बैठकमा सदनलाई नियमित अगाडि बढाउने, दलीय आधारमा एक एक जनाले आकस्मिक समय प्रयोग गर्ने र त्यसपछि गृहमन्त्रीले जवाफ दिने सहमति भएको सभामुखको सचिवालयले जनाएको छ । 

सबै दलका प्रमुख सचेतक तथा सचेतकहरू सहभागी बैठकमा सदनलाई नियमित अगाडि बढाउने विषयमा पनि गम्भीर छलफल भएको छ । यसअघि  बालुवाटारमा भएको भएको तीन दलका शीर्ष नेताहरूको बैठकमा सदन खुलाउने सहमति भएपछि सभामुखले सबै दलका प्रमुख सचेतकलाई छलफलका लागि बोलाएका थिए । संसद बैठक तीन बजेका लागि बोलाइए पनि छलफलका कारण अहिले सम्म सुरु भएको छैन ।