शेयरप्रो सेक्यूरिटीजद्धारा डि–म्याट खाता तथा मेरो शेयर सदस्यतामा छुट

२३ साउन, काठमाडौं । शेयरप्रो सेक्यूरिटीज प्रा. लि. नेपालको उदीयमान शेयर दलाली सेवा प्रदान गर्ने कम्पनीले आफ्ना नयाँ ग्राहकहरूलाई लक्षित गरेर आकर्षक छुटका कार्यक्रमहरू सगौरव प्रस्तुत गरेकाे छ । 

शेयरप्रो सेक्यूरिटीज मिति २०८०-०२-०९ मा धितोपत्र बोर्डबाट अनुमतिपत्र प्राप्त गरी मिति २०८०-०३-२८ बाट धितोपत्र दलाली (Share Brokerage) र निक्षेप सदस्य (Depository Participant) को सेवा प्रदान गर्दै आइरहेको बताइएकाे छ । 

ग्राहकहरूको सन्तुष्टि प्रतिको आफ्नो प्रतिबद्धता अन्तर्गत ग्राहकहरूलाई लक्षित गरी कम्पनीले आजकै मितिबाट लागु हुने गरी प्रथम ३६५ (First 365) जना नयाँ ग्राहकहरूलाई डिम्याट खाता तथा मेरो शेयर सदस्यतामा सतप्रतिशत (100%) छुटको योजना सार्वजनिक गर्दछ । यस योजना अन्तर्गत पहिलो ३६५ जना ग्राहकले निःशुल्क डिम्याट खाता तथा मेरो शेयर सदस्यता लिई कारोबार गर्न सक्ने जनाइएकाे छ । धितोपत्र बजारमा रुची राख्ने जो कोही व्यक्तिले यो योजनामा सहभागी भई लाभ लिन सक्ने विश्वास कम्पनीले लिएको छ जनाइएकाे छ ।