विवाहित महिलाको सौन्दर्य प्रतियोगिताका लागि आवेदन खुला

२५ साउन, काठमाडौं । विवाहित महिलाहरूको साैन्दर्य प्रतियोगिताका लागि आवेदन खुला भएको छ । यस वर्षका लागि आयोजक कम्पनी रिबन इन्टरटेनमेन्टले ‘मिसेस नेपाल वर्ल्ड’मा आवेदन खुला गरिएको हो । 

यस वर्ष पनि प्रतियोगिताका विजेताले अमेरिकाको लसभेगासमा हुने मिसेस वर्ल्डमा नेपालको तर्फबाट सहभागिता जनाउन पाउने कम्पनीले जनाएको छ । मिसेस नेपाल इन्टरनेसनल र एमएस इन्टरनेसनलको उपाधिको व्यवस्था गरिएको जनाइएको छ ।

फाइनल प्रतियोगिताका आगामी भाद्र १६ गते काठमाडौंमा हुँदैछ । आवेदन कम्पनीको कार्यालय शंखमुलबाट भइरहेको जनाइएको छ ।  नयाँ बानेश्वरस्थित अर्याल इन्टरनेसनल होटलमा अडिसन हुने आयोजकले जनाएका छन्। प्रतियोगिताका लागि आवेदन खल्ती एपबाट भर्न सकिनेछ भने आयोजक संस्थाको शंखमूलस्थित कार्यालय तथा नयाँ बानेश्वरस्थित अर्याल इन्टरनेसनल होटलबाट पनि आवेदन प्राप्त गर्न सकिनेछ।