उयदपुरका अस्पतालमा डेंगु राेग परीक्षणका लागि किट अभाव

३० साउन, काठमाडौं । उदयपुरमा डेंगु रोग परीक्षणका लागि किट अभाव भएको छ । डेंगुका बिरामी संख्या तीव्र संख्यामा बढेको र सो अनुपातमा परीक्षण गर्ने स्वास्थ्य सामाग्री अभाव भएको हो । 

जिल्लामा डेंगुबाट २ सय ६६ जना संक्रमित भएका छन् । ८ सय ४५ जनामा परीक्षण गर्दा यो संख्यामा संक्रमण पुष्टि भएको हो । त्रियुगा नगरपालिकामा मात्र १५६, बेलका नगरपालिकामा ४८, चौ्रदण्डीगढी नपामा ४५, कटारीमा डेंगुका बिरामी भेटिएका छन् । कटारीम नपामा १७ जनामा डेंगु संक्रमण पुष्टि भएको छ । कटारी नगरपालिकाका २९ वर्षीय एक पुरुषको साउन १० गते ज्यान गएको छ । निजी अस्पतालका बिरामीको सूचीमा जिल्ला स्वास्थ्य कार्यालयसँग छैन ।

लामखुट्टेको टोकाइबाट हुने डेंगु संक्रमणले बिरामीको संख्या दिनानुदिन बढ्दै गएको जिल्ला स्वास्थ्य कार्यालयका सूचना अधिकारी उमेश लुइँटेलले बताए । संक्रमितमा सबै उमेरका रहेको उनले बताए । बढी संक्रमितमा महिला रहेका छन् ।