सुतेको समयमा सर्पले डसेपछि एक जनाको मृत्यु

३२ साउन, सर्लाही । सर्लाहीको लालबन्दी नगरपालिका–१० कि ७४ वर्षीया इन्द्रमाया श्रेष्ठको सर्पदंशबाट मृत्यु भएको छ । 

राति घरमा सुतेको समयमा गोमन सर्पले डसेपछि उपचारका लागि लालबन्दी– १ स्थित नवलपुर सर्पदंश उपचार केन्द्रमा उनलाई लगिएको थियो । तर, चिकित्सकले उनलाई मृत घोषणा गरेको स्थानीयले बताए । यस वर्ष सर्लाहीमा  सर्पदंशबाट तीन जनाको मृत्यु भइसकेको छ ।