चीन-भारत सीमाना लद्दाखमा भारतीय सेना सवार ट्रक दुर्घटना, १० जनाको ज्यान गयो

३ भदौ, काठमाडौं । भारत–चीन सुीमाना लद्दाखमा सेना बोकेर गइरहेको भारतीय सैनिक ट्रक भीरबाट खसेर गम्भीर दुर्घटना भएको छ । दुर्घटनामा परी १० जना सेनाको ज्यान गएको भारतीय संचार माध्यमहरुले जनाएका छन् । 

शनिबार साँझ भारतीय सेनाका जवान एम्बुलेन्ससहित पाँचवटा गाडीमा लेहबाट लद्दाखस्थित केरीका लागि प्रस्थान गरेका थिए । उनीहरू केरीमा बनाइएको सेनाको डिभिजनल हेडक्वाटरका लागि जादै थिए । केरी नजिकै पुग्दा न्योमानजिकै सेनाको ट्रक चिप्लिएर ६० फिट गहिरो खाडलमा खसेको थियो । 

उक्त ट्रकमा एक जेसीओसहित ११ जना जवान थिए । तीमध्ये १० जनाको मृत्यु भएको हो । एक जना गम्भीर घाइते अवस्थामा उपचार भइरहेको जनाएका छन् । 

दुर्घटनामा हवलदार अनुज कुमार, गनर तरनदीप सिंह, गनर चन्द्रशेखर, लान्स नायक तेजपाल सिंह, नायब सुभेदार रमेश लाल, लान्स नायक मनमोहन सिंह, डीएमटी अंकित कुण्डु, हवलदार विजय कुमार, हवलदार महेन्द्र सिंह सिकरवार र डीएमटी वैभव भोइटे रहेको संचारमाध्यमहरुले उल्लेख गरेका छन् । दुरर्घटनाबाट ट्रकक्षतिग्रष्त भएको छ ।