बढुवा प्रक्रिया राेकिएपछि राष्ट्रिय खेलकुद परिषद्मा कर्मचारीको आन्दोलन

३ भदौ, काठमाडौं । बढुवा प्रक्रियालाई यथाशीघ्र अगाडि बढाउन माग गर्दै राष्ट्रिय खेलकुद परिषदका कर्मचारीले आफ्नो  आन्दोलनलाई जारी राखेका छन् । 

गत २२ साउनमा संघकी अध्यक्ष सरस्वती केसी भण्डारी नेतृत्वको कर्मचारीको टोलीले युवा तथा खेलकुद मन्त्रालयका सचिव रविलाल पन्थलाई ज्ञापनपत्र बुझाउँदै बढुवा प्रक्रियालाई यथाशीघ्र अगाडि बढाउन माग गरेको थियो । तर, माग सम्बोधन हुन सकेन । त्यसपछि उनीहरु संघको नेतृत्वमा कर्मचारी आइतबार आन्दोलनमा उत्रिएका हुन् । 

गत २५ साउनमा पत्रकार सम्मेलन गरेर संघले आन्दोलनका कार्यक्रम सार्वजनिक गरेको थियो । तर, मागबारे सुनुवाइ नभएपछि २६ साउनदेखि आन्दोलनमा उत्रिएका परिषदका कर्मचारीले आफ्नो संघर्षलाई जारी राखेका छन् । 

पाखुरामा कालोपट्टी बाँधेर आफ्नो नियमित काम गर्नेदेखि पेनडाउनसम्मका आन्दोलन गरेका उनीहरुले परिषदमा कार्यरत प्राविधिक एवं प्रशासनिक कर्मचारीहरुको बढुवा प्रक्रिया यथाशीघ्र प्रक्रियाअगाडि बढाउन माग गरेका छन् ।