आजबाट भगवती हाइड्रोपावरको प्रिमियम आईपीओ बिक्रीमा

५ भदौ, काठमाडौं । भगवती हाइड्रोपावर डेभलपमेन्ट कम्पनीले आज मंगलबार भदौ ५ गतेदेखि सर्वसाधारणलाई आईपीओ बिक्री खुला गरेको छ ।

कम्पनीले फेस भ्याल्यू १०० रूपैयाँमा १६ रूपैयाँ प्रिमियम थप गरी प्रति कित्ता ११६ रूपैयाँ दरले आईपीओ बिक्रीमा ल्याएको हो। यसमा सर्वसाधारणले ७ लाख १२ हजार २२० कित्ताका लागि आवेदन दिन सक्नेछन् । 

कम्पनीको जारी पुँजी ५७ करोड २० लाख ६४ हजार ७०० रूपैयाँ छ । यसको १५५ ले हुने ८ लाख ५८ हजार ९७ कित्ता शेयरमध्ये १०५ अर्थात् ८५ हजार ८१० कित्ता शेयर वैदेशिक रोजगारीमा रहेका नेपालीलाई बिक्री भइसकेको छ । 

यस्तै, ५५ (४२ हजार ९०५ कित्ता) शेयर म्युचुअल फन्डहरुलाई बाँडफाँट गरिएको छ भने २५ अर्थात् १७ हजार १६२ कित्ता शेयर छुट्याएर बाँकी रहेको शेयर सर्वसाधारणलाई बिक्रीमा ल्याइएको हो । 

सर्वसाधारणले न्यूनतम् १० कित्तादेखि ५ हजार कित्ताका लागि आवेदन दिन सक्नेछन् । यसमा भदौ ८ गतेसम्म आवेदन दिन सकिन्छ । उक्त समयमा सबै शेयर बिक्री नभएमा भने भदौ १९ गतेसम्म खुला रहने छ । 

 

रेटिङ एजेन्सी केयर नेपालले यो आइपीओलाई केयर ट्रिपल बी माइनस रेटिङ प्रदान गरेको छ । जसले कम्पनीको वित्तीय दायित्व बहन गर्ने क्षमतामा मध्यम जोखिम रहेको संकेत गर्छ । केयर नेपालले २०७९ असार ६ गते उक्त रेटिङ दिएको थियो । यो रेटिङ २०८१ वैशाख २२ गतेसम्म बाहल रहनेछ ।