एनएमबि बैंकको वित्तीय अवस्थामा स्वस्थ वृद्धि, कमायो ३ अर्ब ४१ करोड बराबर खुद मुनाफा

५ भदौ, काठमाडौं । एनएमबि बैंकले आर्थिक गतिविधिको जटिल र चुनौतिपूर्ण अवस्थामा पनि स्वस्थपूर्ण वृद्धि हासिल गर्न सफल भएको छ । अरू बैंकको खराब कर्जा आक्रामक वृद्धि भएर तनाव भएको अवस्थामा एनएमबि बैंकले खराब कर्जा भने ३ प्रतिशत तल राख्न सफल भएको छ । त्यस्तै वितरण योग्य मुनाफा पनि बैंकले १ अर्ब ५० करोड कायम गर्न सफल भएको छ ।

वितरणयोग्य मुनाफा अघिल्लो आर्थिक वर्ष भन्दा सामान्य मात्र घटेको छ । अघिल्लो वर्ष बैंकको वितरणयोग्य मुनाफा १ अर्ब ५५ करोड थियो । बैंकले खुद मुनाफा पनि सामान्य वृद्धि गर्न सफल भएको छ । त्यस्तै प्रमुख आम्दानीको स्रोतको रुपमा रहेको खुद ब्याज आम्दानी पनि बैंकले करिब ३१ प्रतिशतले वृद्धि गर्न सफल भएको छ । समीक्षा अवधिमा बैंकको प्रतिशेयर आम्दानी पनि वृद्धि भएको छ । 

यस बैंकको संचालक समितिको अध्यक्षमा पवनकुमार गोल्यान रहेका छन् । बैंकको संचालक समितिका अन्य सदस्यमा निको पिल, जीवनकुमार कटुवाल, योगेन्द्रलाल प्रधान, उत्तम भ्लोन, शिरीष कुमार मुरारका र स्वतन्त्र संचालकमा बन्दना पाठक रहेका छन् ।

त्यस्तै बैंकको उच्च व्यवस्थापनमा सीईओ सुनील के.सी.देखि डेपुटी सीईओमा सुदेश उपाध्याय र गोविन्द घिमिरे रहेका छन् ।

कस्तो आयो आर्थिक वर्ष ०७९-८० को चौथो त्रैमासको वित्तीय प्रतिवेदनः
खुद मुनाफाः
गत आर्थिक वर्षको चौथो त्रैमास अर्थात् १२ महिनाको अवधिमा बैंकले ३ अर्ब ४१ करोड बराबर खुद मुनाफा गरेकोमा अघिल्लो आर्थिक वर्षको चौथो त्रैमाससम्ममा बैंकले ३ अर्ब २९ करोड बराबर खुद मुनाफा गरेको थियो । यसरी खुद मुनाफामा ३ दशमलव ६३ प्रतिशतको वृद्धि भएको छ ।

खुद ब्याज आम्दानी र संचालन मुनाफाः
अघिल्लो आर्थिक वर्षको चौथो त्रैमासमा कम्पनीले ६ अर्ब ३८ करोड बराबर खुद ब्याज आम्दानी गरेकोमा गत आर्थिक वर्षको चौथो त्रैमाससम्म कम्पनीले ८ अर्ब ३४ करोड खुद ब्याज आम्दानी गरेको छ । यसरी खुद ब्याज आम्दानीमा ३० दशमलव ६० प्रतिशतको वृद्धि भएको छ । त्यस्तै, संचालन मुनाफा ६ दशमलव ११ प्रतिशतले वृद्धि हुँदै ४ अर्ब ९४ करोड पुगेको छ । अघिल्लो वर्षको चौथो त्रैमासमा कम्पनीले ४ अर्ब ६५ करोड संचालन मुनाफा गरेको थियो ।

प्रतिशेयर आम्दानीः
कम्पनीको वार्षिक प्रतिशेयर आम्दानी १८ रूपैयाँ ५७ पैसा हुन आउँछ । एक वर्ष अघि प्रतिशेयर आम्दानी १७ रूपैयाँ ९२ पैसा थियो । समीक्षा अवधिमा प्रतिशेयर आम्दानी ३ दशमलव   ६३ प्रतिशतले बढेको छ ।

वितरणयोग्य मुनाफाः
कम्पनीको वितरण योग्य मुनाफा १ अर्ब ५० करोड रहेको छ । अघिल्लो आर्थिक वर्ष वितरणयोग्य मुनाफा १ अर्ब ५५ करोड थियो । समीक्षा अवधिमा वितरणयोग्य मुनाफा ३ दशमलव  १५ प्रतिशतले घटेको छ । कम्पनीको प्रतिशेयर वितरण योग्य मुनाफा ८ रूपैयाँ १८ पैसा रहेको छ । अघिल्लो आर्थिक वर्ष प्रतिशेयर वितरणयोग्य मुनाफा ८ रूपैयाँ ४४ पैसा थियो ।

निक्षेप, कर्जाः
कम्पनीले गत आर्थिक वर्षको चौथो त्रैमाससम्म २ खर्ब १० अर्ब निक्षेप संकलन गरी १ खर्ब ८९ अर्ब कर्जा प्रवाह गरेको छ । आर्थिक वर्ष २०७८-७९ को असार मसान्त र अहिलेको तथ्यांकलाई दाँजेर हेर्दा कम्पनीको निक्षेप संकलन १३ दशमलव  ७९ प्रतिशतले वृद्धि भएको छ भने कर्जा प्रवाह पनि ८ दशमलव   २२ प्रतिशतले वृद्धि भएको छ ।

जगेडा कोष, संचित मुनाफाः
जगेडा कोष २५ दशमलव ७७ प्रतिशतले बढ्दै ८ अर्ब ७४ करोड पुगेको छ भने संचित मुनाफा ३ दशमलव  १५ प्रतिशतले घटेर १ अर्ब ५० करोड रूपैयाँ पुगेको छ ।

किताबी मूल्य कति ?
कम्पनीको किताबी मूल्य (प्रतिशेयर नेट्वर्थ) १५५ रूपैयाँ ७९ पैसा आउँछ ।
निष्क्रिय कर्जाः
कम्पनीको खराब कर्जा २ दशमलव  ७२ प्रतिशत रहेको छ । अघिल्लो आर्थिक वर्षको चौथो त्रैमासमा खराब कर्जा १ दशमलव  ४५ प्रतिशत थियो ।

आधार ब्याजदर, स्प्रेडदरः
बैंकको आधार ब्याजदर केही बढ्दै १० दशमलव  ३७ प्रतिशत पुगेको छ । स्प्रेडदर ३ दशमलव  ९९ प्रतिशत छ । अघिल्लो आर्थिक वर्ष सोही अवधिमा स्प्रेडदर ४ दशमलव ०५ प्रतिशत थियो ।

ठुला शेयरधनीः
आर्थिक वर्ष २०७८-७९ को वार्षिक प्रतिवेदन अनुसार कम्पनीको सबैभन्दा ठूलो शेयरधनीमा एफ एम ओ, नेदरल्याण्डस रहेको छ । बैंकमा एफएमओको १३ दशमलव  ६९ प्रतिशत शेयर स्वामित्व रहेको छ ।

लाभांश इतिहासः
कम्पनीले आर्थिक वर्ष २०७८-७९ मा ८ दशमलव  २५ प्रतिशत नगद लाभांश दिएको थियो । विगत ५ वर्षमा कम्पनीले जम्मा ५६ दशमलव  ५० प्रतिशत बोनस, ४८ दशमलव  ७५ प्रतिशत नगद लाभांश गरि १०५ दशमलव  २५ प्रतिशत लाभांश दिएको छ । ५ वर्षको औसत बोनस शेयर ११ दशमलव  ३० प्रतिशत, नगद लाभांश ९ दशमलव  ७५ प्रतिशत गरि कुल औसत लाभांश २१ दशमलव  ०५ प्रतिशत रहेको छ ।