एशियाली शारीरिक सुगठन तथा फिजिक्स स्पोर्टस प्रतियोगितामा २५ राष्ट्रको सहभागिता हुने

८ भदौ, काठमाडौं । नेपाल शारीरिक सुगठन तथा फिटनेस् महासंघले आयोजना गर्न लागेको ५५औं एशियाली शारिरीक सुगठन तथा फिजिक्स स्पोर्टस् प्रतियोगिताको तयारी अन्तिम चरणमा पुगेकाे छ । 

महासंघले एक प्रेस विज्ञप्ती मार्फत नेपाल शारीरिक सुगठन तथा फिटनेस् महासंघले ऐतिहासिक प्रथम पटक भदाै १५ गते नेपालमा एशियन च्याम्पियनशिप प्रतियोगिता आयोजना गर्न लागेको जनाएकाे छ ।

हाल सम्म एशियाली राष्ट्रका करीब २५ मुलुकहरुले सहभागिता जनाई सकेको छ । एशियाका मुलुकहरुले भाग लिने यस प्रतियोगितामा ४५ विधामा प्रतिस्पर्धा गर्नेछन् । एशियाली प्रतियोगितामा पुरुष तर्फ २८ वटा, र महिला तर्फ १६ विधामा प्रतिस्पर्धा हुनेछन् भने एउटा मिक्स प्रतिस्पर्धा समेत समावेश गरिने बताईएको छ । 

प्रतियोगितामा शारीरिक सुगठनसहित जुनियर शारीरिक सुगठन, महिला शारीरिक सुगठन, मास्टर शारीरिक सुगठन, पुरुष एथ्लेटिक फिजिक्स, पुरुष स्पोर्ट्स फिजिक्स, पुरुष फिटनेस फिजिक्स, महिला फिटनेस फिजिक्स, महिला स्विमसुट, पुरुष तथा महिला जुनियर फिटनेस फिजिक्स, मिक्स लगायतमा प्रतिस्पर्धा हुनेछ ।

होटल याक एण्ड यति तथा ¥याडिसन होटलमा आयोजना हुने प्रतियोगिताको लागि कूल ३ करोड ६२ लाख बजेट लाग्ने अनुमान गरिएको छ ।