जुम्ला जिप दुर्घटनाका दुवै मृतकको पहिचान खुल्यो

१७ भदौ, काठमाडौं । आज बिहान करिब सवा ७ बजे जुम्लाबाट मुगुतर्फ गइरहेको जीप दुर्घटना हुँदा मृत्यु भएका दुवै जनाको पहिचान खुलेको छ । भे १ ज १०९९ नम्बरको जीप जुम्ला कनकासुन्दरी–४ छाकुनेरामा दुर्घटना हुँदा चालक र सहचालकको मृत्यु भएको थियो ।

मृत्यु हुनेमा मुगु रारा छायानाथ नगरपालिका–५ का २८ वर्षीय अविराज कार्की र सोही वडाका २२ वर्षीय जितेन्द्र रावल रहेको प्रहरीले जनाएको छ । दुवै शवलाई पोस्टमार्टमका लागि मुगु जिल्ला अस्पताल लगिएको छ । जीप ३ सय ५० मिटर तल खसेको थियो । दुर्घटनाका कारणबारे अनुसन्धान भइरहेको प्रहरीले जनाएको छ ।