लमजुङको ङादी जाँदै गरेको बस मर्स्याङ्दी नदीमा खस्यो

१७ भदौ, काठमाडौं । लमजुङको ङादीतर्फ गइरहेको यात्रुबाहक बस मर्स्याङ्दी नदीमा खसेको छ । बस खस्दा चालक बेपत्ता भएको लमजुङ प्रहरीले जनाएको छ । प्रहरीका अनुसार बेपत्ता हुनेमा चितवनको भरतपुर महानगरपालिका– १३ का ४० वर्षीय खेमबहादुर भुजेल रहेका छन् । 

बस गएराति करिब १ बजेतिर ध१ख ३७२ नम्बरको बस सडकबाट २०÷२२ मिटर तल खसेको र बसको धेरै भाग मरस्याङदीमा डुबेको छ । थप मानवीय क्षति भए नभएकोबारे विवरण आइसकेको छैन ।